Hindi tuloy ako mapakali habang bumabalik sa kwarto para maligo at maghanda sa pag-alis namin ni Jace. Hindi ko maintindihan kung bakit kailangan kong tumira dito sa unit n’ya kasama s’ya!
Mabilis na ipinilig ko ang ulo ko at pinlano na sabihin sa kanya mamaya na hindi ako dito titira. Tutal ay ibinalik naman ang ibang pera ko kaya makakahanap pa ako ng mas maayos na boarding house. Hindi ko yata kakayaning tumira dito kasama s’ya lalo na at lalake pa s’ya at kilalang palikero! Iniisip ko pa lang na makakasama ko s’yang tumira dito sa unit n’ya ay kinikilabutan na agad ako!
Wala pang isang oras ay nakahanda na ako. Nang lumabas ako sa kwarto ay naabutan ko si Jace na nasa couch na at bihis na bihis. Kumpara sa mga porma n’ya sa tuwing nakikita ko s’ya sa opisina ay casual lang ang porma
