Sa mga sumunod na sandali ay panay na ang tanong ko kay Jazel kung ano ang eksaktong nangyari kay Mama. Sa pahapyaw na kwento ay naipaliwanag n’ya at naikwento sa akin ang mga nalalaman n’ya kaya halos gumuho na ang mundo ko habang pumapasok sa kwarto para maghanda sa pagpunta sa police station.
Ang sabi ni Jazel ay nagkaroon ng aberya sa kasal kung saan sumideline si Mama bilang cook. Sa hindi inaasahang pangyayari ay nagkaroon ng food poisoning at halos lahat ng imbitado sa kasal ay dinala sa ospital pagkatapos kumain ng mga niluto ni Mama. Kahit ang bagong kasal ay nabiktima rin ng food poisoning at kasalukuyan pa palang buntis ang bride kaya galit na galit ang mga kliyente at pinagbabayad si Mama at buong staff ng catering service ng danyos.
Wala tuloy ako sa sarili habang nasa byahe
