Pagkatapos kong ayusin ang sarili ko ay hindi na ako nag-isip pa. Nang makita ko si Jace na nakaupo sa table n’ya sa labas ng private room n’ya ay walang pagdadalawang isip na nilapitan ko s’ya at sinampal sa pisngi.
Kitang-kita ko pa ang gulat sa mukha n’ya nang gawin ko ‘yon pero wala na akong pakialam! Mabilis at tuloy-tuloy ang ginawa kong paglabas sa opisina n’ya at halos ibalibag ko na ang pinto nang tuluyang makalabas.
Malakas na malakas ang kabog ng dibdib ko pero nasisigurado kong dahil ‘yon sa frustration dahil sampal lang nagawa ko sa kanya. Inis na inis din ako sa sarili ko dahil hinayaan kong mangyari sa amin ‘yon.
Siguro ay dahil hindi ako sanay na may lalaki sa buhay ko ay masyadong bago sa pakiramdam lahat lalo na ang atensyon na binibigay n’ya sa akin nitong mga nakaraa
