Pagbalik sa unit ni Jace ay dala-dala ko na ang mga ingredients para sa lulutuin ko ngayong araw. Nag-iinit ang mga pisngi ko habang nakatingin sa isang hindi kalakihan na cake na binili ko para sa kanya.
Nasa tapat na ako ng unit n’ya nang biglaang magdalawang isip na pumasok sa loob habang hawak-hawak ang cake na binili ko para sa kanya. Kaya ko namang mag-bake pero dahil biglaan ko lang na nalaman na birthday n’ya ngayon ay hindi ko na ‘yon magagawa agad-agad kaya bumili na lang ako.
Kaya lang ay kung kailan nandito na ako ay tsaka naman ako nagdalawang isip na ibigay sa kanya itong cake na binili ko. Parang ang awkward kasi na bibigyan ko s’ya nito lalo na at ni hindi malinaw kung ano ang relasyon namin sa isa’t-isa.
Kagat ang ibabang labi na napatingin ako sa ibabaw ng box kung saa
