Matapos maligo at magbihis ay dahan-dahang lumabas ako sa kwarto lalo na nang makitang mahimbing na ang tulog ni Jace. Halos hindi sumayad ang mga paa ko sa sahig dahil natatakot akong magising s’ya at kung ano na naman ang sabihin lalo na at nasa isang kwarto kami!
Nang tuluyang nakalabas sa kwarto ay napabuntonghininga ako at agad na naisip na naman ang mga napag-usapan sa nagdaang gabi. Agad na inalis ko ‘yon sa isip dahil nagsisimula na naman akong pamulhan ng mga pisngi.
Dumiretso ako sa kusina at nagpasya na lang na magluto ng para sa tanghalian. Kung hindi pa kumalam ang sikmura ko ay hindi ko pa mamamalayan na hindi pa pala kami nakakain ng breakfast dahil sa pagmamadali na makauwi. Muling napasulyap ako sa kwarto ni Jace at saka naiiling na tumalikod na para magtungo sa kusina a
