Pagdating sa bahay ay nagsimula na kaagad magluto si Mama. Nagulat pa ako na may mga nakahanda na kaagad na mga ingredients at lulutuin na lang. Tsaka ko lang na-realized na hindi lang kami ang nasa bahay nang pumasok ako sa kwarto ko at nakita kong may mga bags na nakapatong doon kaya lumabas ako at nagtanong kay Mama. Nasa sala si Jace at pinaupo muna ni Mama doon kaya kaming dalawa lang ang nandito sa kusina.
“Kaninong mga gamit iyong nasa ibabaw ng kama ko, ‘Ma?” tanong ko habang pinapanood siyang nagsasalang na ng kawali at mukhang magsisimula ng magluto.
“Ah! Nakalimutan ko palang banggitin sa’yo kanina. Nagulat kasi talaga ako nang makita si Jace kaya nawala sa isip ko,” simula niya. “Kababalik lang sa abroad ng Tita Alma mo. Eh bago pa magpasukan ang uwi ng Tito Felix mo dahil na
