Gigil na gigil ako kay Jace at gustong-gusto ko na lang siyang hilahin palabas ng bahay namin at doon kausapin tungkol sa mga pinagsasasabi niya kay Mama!
Kaya nang dumating ang mga pinsan ko at mga kapatid galing sa panonood sa plaza ay tsaka lang ako nagkaroon ng pagkakataon na sitahin siya. Nagkakagulo sa pagkukwento ang mga bata tungkol sa mga napanood nila sa plaza kaya malamang ay walang makakapansin sa pagpapalitan namin ng masamang tingin ni Jace!
“So, ako ba iyong tinutukoy mo na bata na nagalaw mo?” mariin pero halos kontrolado ang lakas ng boses na tanong ko sa kanya nang maiwan kaming dalawa sa hapagkainan.
Hindi ko alam kung saan siya kumuha ng lakas ng loob na sagutin ang tanong ni Mama kanina. At hindi ko rin alam kung seryoso siya doon. Pero malamang sa malamang ay hindi
