NAIINIS si Aryanda sa pagsunod ni Tyron sa kaniya buong maghapon sa University. Hindi na niya ito maintindihan dahil iba ang kilos ng binata ngayong araw. Hindi naman ito ganito dati at ngayon lamang ito dikit nang dikit sa kaniya.
Palabas na sana siya sa gate ng University nila nang bigla siyang harangin ni Tyron sa dinaraanan niya.
"Ano bang problema mo!" Inis na bulyaw niya rito.
"Ikaw!" sigaw din nito sa kaniya habang nakatitig ito sa kaniya.
"At bakit ako? Hoy, Tyron, ang kapal mo talaga." Binunot niya ang limang libo sa bulsa niya na tira niya sa twenty thousand na ibinayad niya sa treasurer kaninang umaga para sa training nila sa hotel at ang uniform na isusuot niya. "Heto, ibinabalik ko na ang pera mo, isaksak mo iyan sa baga mo, at kung p'wede tumabi ka dahil may importante pa
