Mabilis ang paghinga ni Mihan at bumagal na ang kanyang pagtakbo hanggang sa naglakad na lang siya pabalik sa kanyang silid sa hotel. Hindi niya kasi napansin at tumatakbo na pala siya nang dalawang oras nang pabalik-balik sa dalampasigan.
Nasaksihan na lang niya ang mukhang magkasintahan na nag-aaway sa may swimming pool. Tila nasa trenta anyos ang mga ito.
Lalampasan lang sana niya ang dalawa nang bigla na lang sinampal ng lalaki ang babae.
Agad na kumulo ang dugo ng dalaga sa nasaksihan. Wala na siyang naisip kundi ang upakan ang lalaking iyon na nagbuhat ng kamay sa babae. Sa lahat ng ayaw niya ay ang makakita ng isang babaeng tinatrato nang ganito kasama. Naalala niya pang puro pasa ang kanyang lola noon dahil sa mapang-abuso niyang lolo. Kaya naman ay hindi siya malapit noon sa k
