Tatawa-tawa si Nicklaus na tinalo naman ng malakas na tawa ni Maximo na animo’y abot hanggang kabilang kanto. Samantalang si Thiago ay napasimangot sa mga ito.
“Hahabol-habol ka sa isang babaeng ayaw sa ‘yo? How do you say that in your slang? ‘Al pedo como teta de monja’ (Useless like t*ts on a nun)?” panggagad ni Klaus sa binatang nakaupo sa isang silya, sa harap ng mesa sa hotel restaurant. Nasa isang sulok iyon kung saan tanaw kung anuman ang nasa labas ng hotel. Kita mula roon ang dagat, ang daungan ng mga yate at iba pa, lalo na ang film set na kinaroroonan ni Mihan.
Tiningnan ni Thiago ang kaibigan nang masama. Nakasuot ito ng uniporme ng hotel staff ngayon dahil nagpapanggap ito para lang makipaglapit sa babaeng nagngangalang Kiara. Kung tutuusin ay wala itong karapatan para gagar
