Hinintay ni Mihan si Kuya Banoy sa lobby para samahan siya sa magiging kuwarto niya kasama sina Trixie at ibang kasamahan na stunt crew na mga babae rin. Sabi kasi nito ay walang tao roon kaya kahit na maghihintay siya sa pasilyo ay wala ring magbubukas para sa kanya sa silid na nakatalaga sa kanila. Dapat sana ay meron siyang keycard din pero nagkaproblema ang isang ibinigay ng staff nang hindi malaman at ayaw bumukas kaya naghintay siya sa stunt coordinator.
Kasama na raw sa budget (above-the-line expenses) ng filming ang kanilang board and lodging, bukod sa talent fee, kaya mas bongga talaga ito kaysa local production. Alam niyang hindi talaga normal na ganito ang setup dahil nagtitipid din naman ang mga line producers o production managers pero suwerte niyang pati sila na stunt crew
