INIISIP na nga ni Yssabelle kung tatanggalin ba siya ni Sir Trent sa trabaho dahil sa nangyari kanina sa may pool area ay dumagdag pa sa iniisip niya ang cellphone niya na ayaw ng mag-on dahil sa pagkabasa niyon sa tubig ng mahulog siya sa pool.
Nasa bulsa pala niya ang cellphone oong mahulog siya kanina. Ilang beses nga niya iyong sinubukan na i-on pero wala pa din nangyayari. Mukhang nasira na ang cellphone niya dahil sa pagkakalubog niyon sa tubig.
Ingat na ingat nga si Yssabelle sa cellphone niya na huwag iyon masira dahil wala siyang pambili, pero mukhang natuluyan na. Ngayon ay hindi niya alam kung paano niya mako-contact ang kaibigan niyang si Tanya at si Tita Amanda niya. Eh, wala naman siyang perang pambili ng panibagong cellphone. At wala sa budget niya ang bumili ng cellphon
