Oriana Fatima’s POV
Ayaw kumalma ng utak ko tungkol sa sinabi ni Damien noong Sabado. Pati ako ay nag-iisip na rin ng kung ano-ano sa pagitan namin dalawa gaya ni Odelia. Sinabi niya naman na kaibigan lang. Wala ng ibang kahulugan ‘yon maliban doon pero bakit ba isip pa rin ako nang isip na may iba pang pagkakahulugan doon?
At naiinis ako sa sarili ko dahil hindi ko gusto ang mga tumatakbong haka-haka sa utak ko! Hindi ako makapag-pokus sa mga ginagawa ko dahil palagi na lang dumadaan sa utak ko si Damien. Hindi na siya nawala sa akin. Kahit wala naman siya sa tabi ko, takbo pa rin siya nang takbo sa liktek na isip kong ‘to!
Ayaw niya lang naman siguro na maging kaibigan ko si Tiago dahil sa nangyari at wala rin naman akong balak na mapalapit doon. ‘Yon lang ang naiisip ko… At hindi ko
