Oriana Fatima’s POV
“Akala ko wala na akong pag-asa sa panganay kong apo. Sumuko na ako noon dito sa lalaking ‘to.”
Napatingin ako kay Mr. Balenciaga. Kaming dalawa lang ang nasa lamesa namin dito sa top deck habang si Damien ay nag swi-swimming sa pool sa harapan namin. Gusto niya pa nga akong isama sa pag-swi-swimming pero ayoko naman. Wala pa akong gana at ayokong iwanan dito mag-isa ang Lolo niya lalo na at masarap kausap si Mr. Balenciaga.
“Hindi ko siya nakitang mambabae noon pero maloko siya sa Escajeda. Lahat ng kalokohan alam niya pero ang pangbabae, wala siyang alam,” natatawang sambit nito. “Kaya akala ko, hindi na magkakaroon ng relasyon ang apo ko. Noong kabataan ko kasi, binata pa lang ako pero marami na akong babae. Kaya nagtataka ako rito kay Damien. Puro kalokohan ang a
