Oriana Fatima’s POV
“Ate! Ate! Ate! Bilis!”
Napabangon ako sa kama at nagtataka na napalingon kay Odelia. Ang sarap-sarap ng tulog ko tapos gigisingin naman ako! Wala naman akong pasok kasi nga wala akong trabaho.
“Bakit ba?” magkasalubong ang kilay na tanong ko sa kapatid ko.
“Ate, ala-una na pero tulog mantika ka pa rin.”
Bumangon ako at nag-unat ng braso ko. Alas-dos ng madaling-araw na rin kasi ako nakatulog kaya ang haba ng tulog ko. Wala pa naman akong trabaho at maghahanap pa lang ng racket para kumita kahit maliit na halaga. Sa susunod na linggo pa raw kasi ako magsisimula sabi ni Damien eh.
“Bakit ba kasi?” tanong ko ulit. Hindi naman kasi ako ginigising ng kapatid ko kapag natutulog ako.
Naglakad ako palapit sa lababo at naghilamos ng mukha ko para magising na ang diwa
