Oriana Fatima’s POV
“Pangit ka ba?”
Hindi ko mapigilan na lingunin ang katabi kong si Odelia na kinakausap si Damien sa gitna ng patapos na misa. Pinagigitnaan kasi namin siya ni Damien at sumama na rin siya sa amin na magsimba habang inaantay niya raw si Tupe. Hindi ko nga alam kung paano siya makikita ni Tupe e. Sa laki ba naman nitong Quipo.
“Hindi,” mahinang sagot ni Damien pero umabot pa rin sa tenga ko. “Nakita mo naman. Ang gwapo ko.”
Parang gusto kong mabulunan sa sinabi ni Damien. Totoo naman pero parang ako ang nahihiya para sa kanya kapag sinasabi niya ‘yon. Masyado siyang mahangin.
“Oo nga at gwapo ka,” si Odelia.
Humarap na ako sa unahan namin pero hindi na ako makapag-concentrate dahil sa dalawang ‘to na tuloy-tuloy sa pag-uusap. Ginagawa pa talaga nilang lugar para
