Oriana Fatima’s POV
Mahigpit ang pagyakap ko sa bewang ni Damien. Nililipad ang buhok ko nang malakas na hangin. Sa gitna ng coconut road habang nakasakay kami sa motor na inarkila niya. Walang katao-tao maliban sa aming dalawa na nilalakbay ang gitna ng coconut road dito sa Siargao.
Wala si Lolo at Odelia dahil gusto niyang maging date naming dalawa ang huling araw dito sa Siargao. Ayos lang naman sa kapatid ko na sinasamahan si Lolo mamasyal kaya kaming dalawa lang ngayon. Wala rin ang kahit na sinong tauhan niya kaya malaki ang privacy namin ni Damien ngayon.
“Mukhang uulan pa, Damien,” malakas na sabi ko dahil baka hindi niya ako marinig sa lakas ng hangin na sumasalubong sa aming dalawa.
Napatingala ako sa kalangitan. Tanghaling tapat pero ang dilim ng kalangitan ngayon. Mukhan
