Cecily
ANG SABI sa akin ni Dmitry, pupunta kami ng beach. I wasn’t prepared pero buti na lang din, kahit papaano ay may beachwear ako.
Malakas ang hangin nang magpunta kami sa tabing-dagat ng Puerto Rivas. Madalas akong napapadaan dito noon pero ngayon ko lang na-appreciate ang kagandahan nito. Noon kasi, puro problema ako at akala mo ay pasan ko ang mundo. Hindi ko magawang maging masaya.
“Wow! The water is so clear!”
May ibang tao sa paligid, ang iba ay galing pa sa hotel na tinutuluyan nila at ang iba naman ay nasa mga restaurants. Ganoon man, hindi masyadong dagsa ang tao dahil hindi pa naman summer o peak season.
Tumakbo si Damon papalapit sa may dagat at hinayaan niyang hampasin ng mga alon ang maliliit niyang paa.
Nakita ko ang galak sa kanyang mga mata. Simula nang magkakilal
