Ameya
Kinaumagahan pagdating ko sa resto ay nakita ko ulit iyong pulis sa labas ng resto at nakasakay lang ito sa police car. Nagdalawang-isip ako kung tatanungin ko ba siya tungkol sa nangyari kahapon. Itutulak ko na sana iyong pinto nang napagdesisyunan ko na tanungin na lang siya. Linapitan ko ang police car niyang nakaparada sa tapat ng resto.
"Excuse me?" pukaw ko sa kanya.
Malapad itong ngumiti sa akin. "Ay! Magandang umaga ho Ma'am!"
Numiti ako pabalik dito. "Magandang umaga rin. Uhm, pwede akong magtanong?"
Tumango siya. "Sige ho!"
"Kagabi po ba nandito lang kayo magdamag?"
"Oho! Hindi po ako umalis dito sa pwesto ko. Baka kasi mapagalitan ni Sir Jethro. Bakit ho? May problema ho ba?" tanong niya.
Kung ganoon maaaring imahinasyon ko lang iyong kagabi. Baka nananaginip
