Kabanata 14
TILA ipinagkanulo ni Eleanor ang kanyang sarili dahil nagagawa pa rin niyang manatili roon at panoorin ang madugong laban sa pagitan ni Harlan at ng lalaking kanina pa niya ibig lapitan at ilayo mula sa yateng iyon.
Umaapaw sa dami ang katanungan sa isipan niya tulad ng kung paanong naging isang preso si Calick, paano ito nakulong sa bansang Turkey, ano'ng dahilan nito upang sumabak sa peligrosong laban na iyon at higit sa lahat ay kung bakit hindi siya nito nakilala nang magtama ang kanilang mga mata kanina bago nagsimula ang sagupaan?
Labis siyang nalilito sa mga pangyayari. Mahigit anim na taon siyang taimtim na nagdarasal na muli ay magkita sila ni Calick subalit hindi niya inaasahan na sa ganoong paraan. Bakit sa magulong paraan?
“Hindi nga ako nagkamali sa napili k
