Kabanata 15
"BINIBINI..."
Hindi kaagad naka-react si Eleanor nang banggitin ni Calick ang salitang iyon. Ang salitang na inaasam niyang muling mapakikinggan niya mula sa bibig ni Calick at heto at nangyari na nga.
Tila may nagsiawitang mga anghel sa paligid ni Eleanor habang pinagmamasdang maigi ang mukha ni Calick. Nakatitig lang din ito sa mukha niya na para bang nais nitong pag-aralan ang bawat detalye niyon o kung ano mang mapupuna nitong pagbabago roon.
Sa kawalan ng pag-asang matandaan siya nito ay may bumangong tuwa sa kalooban ni Eleanor nang may sumilay na makahulugang ngisi sa mga labi ni Calick.
"Y-you remembered me already?" Natalisod pa ang linyang iyon sa lalamunan ni Eleanor dahil may umuusbong na ring kaba sa dibdib niya.
Napalunok siya ng ilang beses nang mataman
