AVERY
Masaya ang naging hapunan namin dito sa bahay. Feeling at home naman si Sir Xander at wala akong nakitang kahit anong pagka-ilang sa pakikitungo niya sa mga kapatid ko.
Kung saan-saan na nga napunta ang usapan nila, habang ako naman ay tahimik na nakikinig at paminsan-minsan ay sinasaway si Aila at gano'n rin si Ailee na napakaraming tanong kay Sir Xander.
"Aalis na muna kami ng Kuya Xander ninyo. Matulog kayo ng maaga at walang magbababad gumamit ng cellphone, kung ‘di, kukunin ko 'yan bukas," seryosong bilin ko sa mga kapatid ko.
"Opo, ate. Ingat po kayo ni Kuya Xander," magalang na sagot ni Aila na siyang in-charge dito sa bahay kapag wala ako at nasa trabaho.
Sabay na lumabas kami ni Sir Xander sa pintuan. Hindi ako tumutol ng kunin niya ang kamay ko at walang pakialam na p
