AVERY
"Ewan ko sa 'yo," tanging naisagot ko.
Nagbaba ako ng mukha at umiwas ng tingin mula sa lalaking kausap ko. Ayaw kong sabihin kay Sir Xander kung ano ang laman ng isip ko, kahit may ideya ako sa totoong pakay niya, dahil baka pagtawanan lang niya ako at sabihin na nag-a-asume lamang ako.
"Ate, gusto mo bang kumain muna, bago pumasok sa trabaho?" tanong ni Aila na lumabas pala mula sa silid namin.
"Sige," tipid na sagot ko.
Mabuting dito pa lang ay kumain na ako para hindi na ako maghanap ng pagkain sa bahay ni Sir Xander.
"It's okay, Aila. Sasamahan ko ang Ate Avery mo. Hindi siya magugutom kapag kasama ko," sabat ni Sir Xander.
"Ay, magde-date ba kayong dalawa? Hindi ba may pasok ka sa coffee shop, ate?" tanong na naman ng kapatid ko.
Bumaling ako sa kapatid ko at inutusan
