AVERY
Tinawagan ko si Miss Iya at ipinaalam sa kan'ya na hindi ako makakapasok ngayon sa fast food, dahil may sakit ako. Nag-video call pa kami, kaya nakita niyang nagsasabi ako ng totoo dahil pinakita ko ang nakakabit na drip sa kamay ko.
Tinawagan ko rin ang mga kapatid ko na hindi ako makakauwi ngayong umaga. Tinukso pa ako ni Ailee at tinanong kung kasama ko raw ba si Kuya Xander niya.
Napatingin tuloy ako kay Sir Xander na nakaupo sa tabi ko at nakasandal sa headboard ng kama, hawak ang cellphone niya. Agad na sumabat ito ng marinig na tinatanong siya sa akin ng kapatid ko na akala mo ay malapit talaga siya kay Aila.
"Kailan kayo uuwi, ate?" tanong ni Ailee sa kabilang linya.
Naka-video call kami, dahil excited siyang gamitin ang bagong cellphone na binigay sa kan'ya ni Sir Xan
