AVERY
Nagpaalam na kami sa mga kaibigan ko. Gusto ko sanang ihatid namin si Harlen sa bahay nila, pero ayaw pang umuwi ng bruha dahil may nakilala raw siyang g'wapong lalaking intersted sa kanya.
"Don't worry, Aves. P'wedeng matulog dito sa bar si Harlen kapag hindi na makatayo, kaya okay lang kahit hindi ninyo siya ihatid," sabi ni George.
Nakita kong pabalik na si Sir Xander galing sa counter dahil nagbayad siya ng mga inumin at pagkaing kinain namin. Hati sana sila ni George sa bills, pero tumanggi siya at ang sabi niya ay treat daw niya sa amin ng mga kaibigan ko kaya hindi na nagpumulit si George.
"Sige, mauna na kaming umuwi, ha? Kayong dalawa, mag-ingat kayo dito at huwag masyadong magpakalasing," paalam at bilin ko kay George.
Ngumiti sa akin ang kaibigan ko at sinundan kung s
