Pagkatapos ng klase ay naghihintay na sa sasakyan si Jen para sunduin si Ponyang. Isa na namang problema ng dalaga kung paano niya malulusutan na makapunta sa C&C ng hindi nalalaman ng kaniyang tagapagbantay.
"Hi! Ate Jen," alanganing bati ni Ponyang.
Nasa loob ng sasakyan si Jen at naghihintay sa kaniya, nakabukas lang ang bintana sa harapan nito.
"Hi, Isabela, halika na umuwi na tayo," sabi nito.
"Ah, Ate Jen, hindi pa ako, pwedeng umuwi may gagawin pa ako. Magre-research pa ako sa library, may assignment kasi kami, hindi pwedeng hindi ko gawin terror ang professor namin sa subject na'to kapag hindi ako gumawa siguradong ibabagsak niya ako," alibi ni Ponyang.
"Huh! Ganu'n ba, hindi ba pwedeng sa internet mo na lang i-research ang assignment mo na 'yan, baka hanapin ka sa akin ng pr
