◄Josh's POV►
Pagkatapos ng trabaho ko ay nagtungo na agad ako dito sa mansyon nila Trenz upang kausapin ko si Celestina. Magpapaalam muna ako sa kanya na mawawala ako ng ilang araw pero babalik din agad ako kapag natapos na kaming kausapin ng lolo ni Marcus at ng ama ni Marcus.
Nakausap ko na rin si Trenz na siya na muna ang bahala sa babaeng mapapangasawa ko dahil malalayo ako ng ilang araw. Si Marcus ay nagtalaga na rin ng private army dito sa labas para makasiguro ang kaligtasan ni Celestina. Gusto ko sana siyang isama kaya lang baka suntok sa mukha ang isagot niya sa akin kapag inalok ko siyang sumama sa amin. Isa pa ay baka hindi pumayag si Trenz at si Marcus dahil ayaw niyang dinadala ang mga asawa o kasintahan sa Milan kung hindi naman kinakailangan.
"Pababa na 'yon, baka nagpapa
