◄Josh's POV►
Nandito ako ngayon sa aking opisina. Sobrang saya ko at hindi ko ito maitago kaya nakangiti lang ako at hindi mawala ang ngiti sa aking labi. Binuksan ko ang drawer ko. Kinuha ko ang hikaw ni Celestina na nahulog nuon at pinakatitigan ko ito. Ipinatong ko ito sa ibabaw ng desk ko, at pagkatapos ay kinuha ko naman ang kahitang itim na binili ko kanina sa isang mamahaling jewelry store. Inorder ko ito kagabi pa. Tinawagan ko ang sikat na jewelry store at pinahanda ko ang singsing na pinasadya ko ng malaman ko na buntis si Celestina. Pinaghandaan ko agad kasi akala ko tatanggapin niya ako nuon, pero 'yun nga at nagalit lang siya kaya nagawa ko ulit gamitin si Jonathan. Speaking of Jonathan, naayos ko na ulit ang maskara kong 'yon kaya magagamit ko itong muli sa pag disguise ko.
