"Buwisit!"
Inis na bumalikwas si Brandy dahil hindi na siya nakatulog pa. At dahil iyon sa ninakawan siya ng halik ni Zora. Hindi niya maintindihan ang kaniyang sarili. Simpleng halik lamang iyon pero hindi siya nito pinapatulog.
"Buwisit na halik iyan!"
Tumayo si Brandy at nagtungo sa kusina. Kumuha siya ng alak sa kaniyang mini bar upang makatulog. Nandoon sa kaniyang bahay natulog ang dalawa niyang kaibigan. Hindi niya alam na gising pa si Andersen at nagtaka itong makita siyang umiinom.
"Bakit? May problema ba?" tanong nito sa kaniya.
Nilagok ni Brandy ang alak sa kaniyang shot glass. "Wala naman. Naisipan ko lang uminom. Hindi kasi ako makatulog pa."
Kumunot ang noo ni Andersen. "Sanay naman tayong hindi maayos ang tulog. Bawal sa atin ang maging tulog mantika 'no. Pero ano ba t
