Tulala si Zora habang naghuhugas. Hindi pa rin niya makalimutan ang sinabi sa kaniya ni Brandy kagabi. Nang matapos siyang umiyak, inihatid siya ni Brandy sa bahay ni aling Bakekang. Napaisip tuloy si Zora kung sinusundan ba siya ni Brandy. Dahil palagi na lang silang nagkakatagpo.
"Hoy, Zora ano na? Bakit tulala ka diyan? Sino ang iniisip mo?" natatawang tabing ni Kristel.
Napakurap si Zora nang bumalik ang kaniyang ulirat. "Ha? W- Wala! Napatulala lang, may iniisip agad na kung sino? Tigilan mo nga ako!"
Tumawa ng malakas si Kristel. "Aba, malay ko naman, 'di ba? May nagpapapansin kasi sa iyo na mga binata dito pero hindi mo naman pinapansin. Wala ka bang nagugustuhan sa kanila? Mga guwapo naman sila, ha?"
"Ayoko lang. Ayoko muna ng sagabal sa buhay."
"Ha? Anong sagabal? Narinig ko
