"Napansin ko ang pagiging malapit niyo sa isa't isa ni Brandy. Sinundan ko kasi kayo isang beses. At kung kausapin mo siya, parang normal na tao lang o wala siya sa posisyon niya. Natutuwa ako sa iyo, Zora. Ang galing mo. Mukhang nakuha mo ang atensyon niya," nakangising sabi ni Jamilla.
Ngumiwi Zora sabay kamot sa ulo. "Ha? Ah eh.. ayos naman kasi siya kausap. Hindi naman siya iyong akala mo kung sino makipag- usap porke kapitan siya. Minsan nakakabiruan ko rin kasi may pagkabaliw din siya."
Natawa naman si Jamilla. "Nakakabiruan mo pa pala iyon? May napapansin ka ba sa mga ikinikilos niya?"
Lumabi si Zora sabay kibit- balikat. "Wala naman. Mukha naman siyang normal. Bakit?"
"Sigurado ka ba? Minsan kaya tanungin mo siya tungkol sa mga nagaganap na krimen sa barangay niyo at kung paano
