"Eh, ikaw naman Miss? Ano namang kaso mo? Tutulungan mo na kami pero hanggang ngayon hindi pa rin namin alam ang pangalan mo?" tanong ni Helena at nakalimutan ko ngang magpakilala.
"Ayana Amelia, pero p'wede niyo akong tawaging Miss Aya na lang," paglalahad ko ng aking pangalan. "At ang kaso ko, reckless driving, over speeding and driving under the influence of alcohol. Tatlo."
"Bakit hindi ka agad nagpiyansa? Mukang mayaman ka naman, tutulungan mo pa nga kami. At kutis mo pa lang halatang alaga na at ang ganda pa ng kausotan mo... kaya ba't mo pa ipinagpabukas ang pagpipiyansa?" usisa naman ni Maura.
Ngumisi ako bago sila sagutin at nilingon ang labas ng rehas. Tiningnan ko si Kandrick na abot tanaw ko mula rito, abala ito habang nakaharap sa computer at nagtitipa roon habang seryosong
