NAG-AABANG ako nang sasakyan na jeep papunta sa ospital ng huminto ang isang pulang kotse sa harapan ko. Tiningnan ko kung sino ang taong lalabas ngunit nagbukas ito ng bintana.
"Rhi, sumakay ka na ihahatid na kita." Nakangiti si Joseph.
"Bakit kotse na ang dala mo?" takang tanong ko. Madalas kasing motor ang ginagamit niya.
"Sumakay ka muna bago mo ako tanungin baka magkaroon pa ng traffic kung tatanungin mo ako."
Tumango ako at sumakay sa kotse. "Sagutin mo ang tanong ko."
Tumawa siya. "Tapos na bakasyon ko sa trabaho kailangan ko ng bumalik sa pagiging businessman."
Ngumiti ako at tinapik ko ang balikat niya. "Mabuti naman at nakapag-isip ka ng tama."
"Lagi nama tama ako mag-isip kaya lang minsan hindi tama ang kinalabasan."
"Basta masaya ako para sa 'yo."
"Thank you, kumusta n
