ILANG-BESES akong huminga ng malalim habang pinagmamasdan ako ang takip silim. Isa ito sa pinakamagandang pagmasdan sa probinsya.
"Ate Rhi, tawag ka ni Nanay," tawag sa akin ng bunso kong kapatid na si Richie.
Lumingon ako sa kanya at pilit na ngumiti. "Sabihin mo susunod na ako."
"Sige, Ate." Tumalikod siya at umalis.
Dalawang linggo na ako sa probinsya at hanggang ngayon ay nami-miss ko pa rin ang Amerika. Kahit na nga lagi ako sa loob ng bahay ay nakakamiss pa rin ang mga araw na nandoon ako. Ang mga ofw na naging kaibigan ko, si Madam at Master Vladimir ang dahilan kung bakit nalulungkot ako ngayon.
"Anak…"
Lumingon ako. "Kayo pala, Nay."
Tumabi siya sa inupuan ko na puno ng kahoy. Pinagmasdan niya rin ang takipsilim na tanaw lang sa likod ng bahay namin.
"Namimiss mo ba ang m
