CHAPTER 25
THE KILLER LOVER
JOEMAR ANCHETA
Hindi pa natatapos magsalita ang barkada ni Denver ay mabilis na nitong pinadapo ang isang malakas na suntok sa mukha nito. Sobrang lakas ni Denver sa mga sandaling iyon dahil nang pigilan ko siya ay sumadsad lang ako sa gilid sa isang pagtulak niya. Hindi pa siya nakuntento sa ginawa niyang pagsuntok sa tropa niya. Mabilis niyang nilapitan ang kaibigan niya saka niya iyon sinipa. Natigilan kaming lahat. Nagulat sa mga bilis ng pangyayari. Muli niyang nilapitan ang kaibigang napasubsob sa silong ng mesa at hinila niya ito sa kuwelyo. Dumating ang mga bouncers. Nilapitan din siya ni John Dexter nang nawala ang pagkagulat niya sa nasaksihan. Gusto niyang awatin ang kaibigan. Hindi ako nakakilos. Nagulat sa mga bilis ng pangyayari.
