ILANG buwan nang hindi nagpapakita si Josh kay Eloiza na ipinagtaka ng babae. Ano na ang nangyari sa dating asawa ngayon na araw na lang ang hinihintay niya at manganganak na siya pero ni anino nito ay wala. Sa isang banda ay pinasasalamatan niya iyon. Siguro na-realize ni Josh at natanggap na nito na hindi siya ang ama ng bata kaya hinayaan na sila nito.
A week after nangyari kina Josh at Matt sa burol ay dinalaw niya ang binata sa Hacienda Mondragon para mag-sorry sa ginawa ng kanyang dating asawa pero wala na ito doon at nabalitaan niyang nasa U.K. na uli ito. Mula noon ay nawalan na siya ng balita sa binata. Sa pagkakaalam niya, ang daddy ni Matt at ang ama ni Josh ay naging matalik na magkaibigan. But lately, naging malamig na raw ang dalawa sa isa’t isa. Siguro mula nang mangyari a
