ISANG malaking sindikato sa Pilipinas ang kailangang buwagin ng grupo ni Josh. Hiniling ng isang mataas na opisyal ng gobyerno na kailangang mahuli ang mastermind nito. ’Pag ganito na ang assignment at serbisyo nila ang napili para tumulong sa pagdakip sa pinakapinuno ng sindikato ay sumasama siya. Isa pa, hindi niya hahayaang manganib ang buhay ng mga tauhan niya. Oo nga at may ilang nakapasa sa mataas na training niya sa kanyang mga tauhan pero iba pa rin ’yong naroon siya.
Dumating ang pinakahihintay nilang confirmation. Bukas ng gabi ay lulusubin nila ang kuta ng mga sindikato. Ayon sa kanilang spy, hindi ito basta-basta dahil ang building na pinagkukutahan ng sindikato ay may lagusan at may mga nakatanin na bomba sa paligid.
Dead or alive ang order, may nakapatong na fifty million
