“SIRAULO ka ba, pogi? Bakit mo ginawa ’yon? Parang inilagay mo lang ang sarili mo sa hukay sa ginawa mo, eh,” nakasimangot na sita ni Magdalene kay Greg nang nasa bahay na sila.
“Hindi, Magdalene. Hinding-hindi ’yan mangyayari dahil hindi ako makakapayag na muli nilang idantay ang kanilang palad sa akin! Once is enough, two is too much!” galit na sagot ng binata kaya naman napalakas ang boses niya.
“Ha? Okay ka lang ba, pogi? Hindi naman ako ang kaaway sa pagkakaalam ko, ah. Kasi kung kaaway man kita, matagal na kitang inaway samantalang tatlong buwan ka na dito,” nagtatakang sagot ng dalaga.
“Sorry, Magdalene. I was carried away by my anger. Can I ask you some questions?” paghingi ng paumanhin ng binata.
“Oo naman, James. Go ahead, makikinig ako. At kung kaya ko ang sagot sa itatanon
