NANG malaman ng grupo ni Falcon kung saan nagtatrabaho si Magdalene ay isinunod naman nila ang tahanan nitong hinanap.
“Boss, nandito kami ngayon sa paligid ng bahay ni Magdalene at totoo pala, boss, may kinakasama na siya.”
“Okay, Bogoy. Huwag ninyong iwalay ang paningin ninyo sa dalawa, papunta na kami diyan,” sagot naman ni Falcon.
“Yes, boss, masusunod,” tugon ng sa kausap sa kabilang linya.
Pagkapatay ng tawag ay napatawa nang malakas si Falcon, isang uri ng tawa na matatakot ka lalo at para itong demonyo habang tumatawa.
‘Walang makakapigil sa akin sa aking mga plano! Lalo sa iyong p*ta ka. Matapos ang pagsisikap ko para sa pamilya ninyo, iyan lang igaganti mo sa akin? Leche kang babae ka! Kung hindi ka lang din mapapasaakin, mas mabuting tuluyang itumba na kita,’ ngitngit ni Fa
