AS the days goes by ay gano’n pa rin ang routine ng dalawa. Naiiwan ang binata mula umaga hanggang dapithapon samantalang nasa trabaho ang dalaga pero pagdating nito ay sabay silang dalawa na nagluluto ng kanilang hapunan.
“’Oy, James, mukhang malakas ka na, ha. Ingatan mo ang kalusugan mo at baka naman mabinat ka diyan,” ani Magdalene isang gabi na kumakain sila ng hapunan.
“Salamat dahil may isang tulad mong may puso at kinalinga ako. Malakas na ako, Magdalene, at maraming salamat sa pag-aalala mo,” tugon naman ng binata sa pagitan ng pagsubo ng kanin.
“Kahit naman siguro sino ang nasa kalagayan ko no’ng panahong ’yon, gagawin din ang ginawa ko kaya wala kang dapat ipag-alala. May pera pa tayo kaya huwag ka munang magmadaling kumilos,” sagot naman ng dalaga.
“Speaking of money, sagli
