“ANAK ng p*t*ngina! Sabi ko na nga ba at ang hayup na ’yon ang kasama ng p*tang ’yon, eh! Halughugin ang buong kabahayan!” galit na galit na ani Falcon nang paika-ikang lumabas ang dalawang tauhan niyang pinapasok para tingnan kung ano ang nangyayari sa loob.
“Sa tingin ko, boss, wala nang tao diyan,” sagot ng isa na hawak ang batok kung saan dumapo ang sipa ni Greg.
“Ano?! Paanong nangyari ’yon, eh hindi naman kami umalis dito, ah. Niloloko mo ba kami, ha?” galit na tanong ni Falcon. Ang kanina pa nananahimik na kasama ng binata na nagmamasid ay sumabad na rin.
“Pare, kaysa masayang ang laway mo diyan, let’s go inside at i-check natin,” ani Dante.
Akmang papasok na sila nang may maulinigan silang kaluskos sa may ’di-kalayuang bahay.
“Nandoon sila! Habulin ninyo! Huwag hayaang makalay
