ANG hindi inaasahan ng lahat ay bumwelta ang mortal na kaaway ng young master. Nakaposas man si Falcon ay nagawa pa rin nitong hablutin ang baril na nasa baywang ng pulis na naka-escort dito. Hindi naman kasi nakapagtataka na mabilis itong kumilos dahil isa rin itong martial artist.
“Greg!” malakas na sigaw ni Magdalene nang makita ito.
Pero huli na para umiwas, pumailanlang na ang tatlong putok ng baril at natamaan na ang binata. Binaril din ni Magdalene si Falcon matapos nitong damputin ang baril na iniabot kanina ni Greg.
“Greg, parang awa mo na, lumaban ka. Tapos na ang pagtatago mo, mabibigyan na ng hustisya ang pagkamatay ni Karen at ang nangyari sa inyo,” hindi magkandatutong ani Magdalene habang yakap-yakap ito.
“Salamat, D-Dalene. Pagod na rin ako kaya panahon na rin siguro pa
