"I'm his girlfriend," paulit-ulit na narinig ni Evelyn sa kaniyang isipan ang sinabi ni Ruby. Pakiramdam niya ay mawawalan siya ng malay sa sinabi nito. Mas yumanig pa ata sa kaniyang isipan ang sinabi nito na kasintahan siya ng kaniyang ama, kaysa sa malaman na na-hospital ang kaniyang ama.
Pinakatitigan niya ang babae, maayos ang damit nito, sosyalin, mukhang mayaman kaya naman ay napagkamalan niya itong ka-sosyo ng kaniyang ama sa negosyo, na maaring kasama nito kanina na nag-dinner. Hindi niya akalain na kaya pala ito umalik ay para makipag-date sa babaeng kaharap niya ngayon.
Pinakatitigan niya pa si Ruby, at kinalkal sa kaniyang isipan kung sino ito sa mga nakita niya sa party. At doon ay bumalik sa kaniyang isipan ang babaeng kasama rin ng kaniyang ama ng party na iyon.
Hindi,
