"Where are you?! kanina pa kita tinatawagan! bakit ba busy ang telepono mo ha? saang lupalop ka na naman ba nagpunta?" galit na tanong ni Evelyn nang sagutin ni Raul ang kaniyang tawag. Ilang oras na nito sinusubukan na tawagan ang asawa ngunit tanging pag-ri-ring lamang ang kaniyang naririnig sa telepono nito. Kaya naman nang marinig niya ang boses nito sa kabilang linya ay hindi niya napigilan ang labis na inis na kumawala.
"Galit ka na naman, ano na naman nagawa ko?" tanong ni Raul sa kaniya na mas kalong ikina-kulo ng dugo ni Evelyn. "Bakit ka nagagalit dahil hindi ko nasagot ang tawag mo? ako dapat itong mainis, nasa meeting ako tunog nang tunog ang cellphone ko dahil sa iyo. Alam mo naman na napaka-busy kong tao." sagot ni Raul sa kaniya.
Hindi na pinahaba pa ni Evelyn at sinabi
