Kumaripas ang mayordoma palabas ng mansion dala ang balita na kaniyang nalaman mula sa tawag na kanina lang ay narinig niya mula sa driver ni Don Pablo. Agad na tinungo niya ang kinakaroonan ni Evelyn sa hardin kung saan ito ay abala sa mga bago niyang orchids.
Hinihingal niyang hinarap ang madam. "Madam! Emergency!"
Lumingon si Evelyn at napataas ang kilay. "Ano na naman iyon? Bakit ka ba kumakaripas? Anong emergency ang sinasabi mo?"
Huminga ng malalim ang mayordoma at muling nagsalita. Sa sandaling ito ay mas kalmado na siya. "Madam! Ang Papa mo!"
"Anong nangyari sa Papa? Ayusin mo nga ang sarili mo." Inis pang sabi niya sa matanda.
"Ang Papa mo, isinugod sa hospital binaril daw." Sambit ng mayordoma na ikinabigla ni Evelyn.
"Ano?! Nabaril si Papa?!" Nabagsak ni Evelyn ang kaniyan
