HUMIGPIT ang kapit ni Aniah sa kaniyang cellphone. “Dad, gusto ko na pong umuwi. Please, diyan na lang po ako sa bahay magpapagaling.”
“Anak, ‘wag matigas ang ulo. Hanggat hindi nawawala ang lagnat mo, diyan ka lang muna.”
“Dad, sinat na lang po ito.”
“Makinig ka muna, anak. Sige na. Magpahinga ka lang muna diyan para makabawi ka ng lakas.”
“Dad—”
Pabagsak nang mahiga si Aniah sa kaniyang hospital bed nang pagpatayan na siya ng tawag ng kaniyang Daddy Karzon.
Matapos niyang sumugod sa ulan, heto ang resulta. Nilagnat siya. At ang over acting niyang mga Kuya, dinala pa siya sa Salcedo Medical Center para doon magpagaling.
Tatlong araw na siyang hindi nakakapasok sa The Kings dahil sa pagkakaroon niya ng sakit. Ang gusto pang mangyari ng kaniyang ama ay isang linggo siyang magpapahing
