ILANG-BESES kong pinunasan ang luha ko sa pisngi habang pinapanood ko si Veronica sa kasal niya. Alam ko naman na gusto niya si Lester kahit noon. Hindi ko lang talaga maisip na aabot sila sa pagpapakasal.
“Kailan kaya ako ikakasal?”
“Kung si Race ang hihintayin mo baka puti ang buhok mo hindi pa rin mangyayari ang pangarap mo.” Sabay tawa ni Joshua.
Matalim ko siyang tinitigan. “Mainit ang ulo ko kaya ‘wag mo akong inisin.”
Hindi naman natinag si Joshua. “Dina, hanap ka na lang ng single na lalaki.” Lumingon siya sa kaibigan namin na si Tomtom. “Kung wala ka ng pagpipilian si Tomtom na lang ang patulan mo.”
Narinig naman ‘yon ni Tomtom. “Kadiri! Hindi ako papatol diyan kay Dina,” sagot ni Tomtom.
Kung wala kami sa kasal ay baka pinagmumura ko na si Tomtom. Lumapit ako sa kanya para
