حكايات ارض السلطان ( الملحمة الثانية )

الحلقة السابعة

#حكايات_ارض_السلطان

#الملحمة_الثانية

#الحلقة_السابعة

___________

*جبل الهجامة *

___________

*ديبة الجبل قاعدة علي الكرسي بتاعها والهجامة قاعدين قدامها علي اﻻرض وكل واحد بيتكلم لما تندة اسمة *

ديبة الجبل :: جوليلي يا سنية حريم الغچر چهزو لوازمهم لزوم المرماح اللي هيتجام جريب .

سنية :: چيبنا الحاچات اللي عتطلبها الحريم وشوية حاچات كدي لزوم التفريح بس ناجصنا شوية لوازم لزمن نچيبها بعد المرماح بيجولو بت سيدنا سلطان اتخطبت وفرحها جريب وانتي خابرة يا ديبة حاچة زي دي البلد كلاتها هتفرح فيها والحريم هيبجو عايزين حاچات چديدة ولوزام كتير هت**بنا ياما .

ديبة الجبل :: عفارم عليكي يا بت مغلطش لما خليتك ماسكة زمام حريم الغچر ..

سنية :: احنا كلاتنا عايشين ف خيرك يا ديبة و ﻻ عمر حريم الغچر والهچامة كان هيجوم لهم جومة لوﻻ اللي عملتية عشانا خليتي لينا جيمة وسعر وسط الخلج .

ديبة الجبل :: تسلمي يا سنية , بعد المرماح تاخدي كام واحدة من الحريم وچوز رچالة من الهچامة وتنزلو الميركز تشترو كل اللي تحتاچوة , وانت يا حسن جولي عميلت ايي ف اللي جلتلك علية ؟

حسن :: جابلت الراجل العرباوي واتفجت معاة وكلاتها يومين ويچيبلي اﻻفيون وهنستلمة منية يامة الواحة المهچورة .

ديبة الجبل :: عفارم عليك يا حسن كدي احنا چهزنا اﻻفيون طلب اﻻعيان والرجالة اللي عتيجي تحضر المرماح , و حريم الغچر جهزو لوازم حريم البلد , فيي حاچة تانية محتاچينها يا رچالة ..

حسن :: الحكاية اللي حوصلت بتاعة ولد السلطان لسة مبردتش واني خايف يكونو ناويين لنا علي نية سودة .

ديبة الجبل :: نبية يا واد انك عتفكر ف الصالح بس اللي ﻻزمن تعريفو ان مفيش نفر ف ارض السلطان يجدر يعمل ايوتها حاجة بدون امر السلطان بذات نفسة .

حسن :: طب ما يمكن يكون ناوي لنا علي الشر يا ديبة ؟

ديبة الجبل بتضحك :: لسة بدري عليك يا حسن السلطان لو ناوي علي الشر كان هد الجبل علينا كلاتنا دول حداهم جنابل وﻻ المديرية , وجت المرماح هتدلي حريم الغچر ارض السلطان لزوم الدﻻالة والرچالة اللي عتبيع اﻻفيون يبجو برة البلد يبيعو للرچالة وسط السباج والهيصة زي كل مرة .

حسن :: عجلك يوزن بلد يا كبيرة الهجامة ..

ديبة الجبل :: طب يا واد بكفايا حديت وكل واحد يروح يشوف وراة ايي ,

*الرجالة كلها مشيت مفضلش غير حسن اللي فضل واقف مستني خروج الكل *

ديبة الجبل :: مالك يا واد واجف مخشب لية ؟

حسن :: يعني يا ديبة انتي كتي وعدتيني بحاچة ولحد دلوك محوصلش حاچة واصل .

ديبة الجبل بضحك :: حاچة ايي يا مخبل يأك وعدتك بالچواز وخليت بيك .

حسن :: ﻻاه يا ديبة بس يعني كتي وعدتيني اشوف نچد .

ديبة الجبل بعصبية :: حسك عينك تنطج اﻻسم دييه هني تاني احسن اتاويك وﻻ ارميك ل ديابة الچبل وكلابة ..

حسن بخوف :: السماح يا ديبة غلطة و مهتتكررش تاني واصل .

ديبة الجبل :: خلاص يا واد يومين كدي و تيچي معايا نطل عليها بس اعمل حسابك اني هغمي عينك ف الطريج واحنا رايحين و واحنا معاوديين .

حسن :: لية يا ديبة مخوناني يأك ؟؟

ديبة الجبل :: لااه يا واد بس عشان البت تطمنلك لزمن هي بنفسها اللي تجولي ادلك علي المكان ,, كلة بوجتة حلو .

حسن :: اللي تؤمري بية يا ديبة .

ديبة الجبل :: جرب هني يا واد واسمعني زين , معيزاكش تبجا دهول اول ما تشوف البت ، هي صحيح كيف البدر ف ليلة تمامة بس اني عايزاك تصلب طولك جدامها حاكم نچد ب مية راجل و مهيملاش عينها اﻻ چدع كييف السبع .

حسن :: واني كت رايح اتچوزها يعني ؟

ديبة الجبل :: اما انك بغل بصحيح يعني بجولك البت كييف البدر وعايزاك تملا عينها وانت دهول مفهمش , هكون عايزاك تملا عينها لية يا روح امك ما اكيد رايداها تتنيل توافج عليك وترضي تتجوزك يا منيل , هي صحيح هتاخد دهول بس هي هتيعرف تربيك بصحيح .

حسن :: ياااة يا ديبة انتي بترتبي ل كل دية طب افرضي معجبتنيش ؟

ديبة الجبل :: جطع ل**نك البت كييف حتة الجشطة خسارة فيك يا دهول جال متعجبكش جال , افهم يا واد اني عايزاكم انتم التنين تحكمو الچبل من بعدي .

حسن :: الجبل مرة واحدة دة انتي مفكرة ف كل حاجة وكايوانك مرتباالها من زمان ..

ديبة الجبل :: كلة بوجتة حلو , يلا اخفي من جدامي دلوك ..

______

*ارض السلطان*

*قصر السلطان *

__________

*فخر قاعد ف اوضتة وصينية الاكل علي السرير قدامة و واضخ انة ما اكلش منها اي حاجة ، الباب خبط ودخلت هند شايلة صينية اكل تانية *

هند :: وبعدهالك يا فخر زاهد الزاد ودية مش زين عشان صحتك لازمن تتجوي ل اجل تصلب طولك وتخرج للبلد كلاتها .

فخر :: حتي انتي يا هند بتتكلمي زي بابا تمام ، كل اللي بيفكر فية هو شكلنا قدام اهل البلد وبس .

هند :: عشان احنا مش ايوتها حد احنا نسل السلطان الكبير وابونا سلطان سيد البلد دي كلاتها .

فخر :: وهي دي المشكلة يا هند هي دي المشكلة .

هند :: هي بجت عيبة اننا نكون من نسل السلطان و ابونا كبير البلد وسيدها !!!

فخر :: لا يا هند بس الجهل اللي هنا والعادات القديمة دي انا مش قادر اتأقلم معاها كمية الجهل دي انا مش قادر افهمها ؟

هند :: چهل ايي اللي عتجول علية ، الچهل اللي خلا البلد بعد ما كات مفهاش حتي تمرچي دلوك فيها مستوصف في داكتور وتمرچية من اهل البلد ، الچهل اللي عتجول علية هو اللي خلا البلد بعد ما كلت بتنور بلمضة چاز دلوك الكهرباء ف كل دار فيها ، الچهل اللي عتجول علية هو اللي خلا كل عيال البلد يتعملو واتبني ميدرسة كبيرة تعلمهم لحد الاعدادية ، واللي عايز يكمل علام ابوك بيودية مدرسة الميركز ، الچهل اللي عتجول علية هو اللي خلا البلد بعد ما كات ف طار بيناتها وبين الهچامة وكل هبابة يدلو علي البلد يخ*فو بهايم الخلج وعيالهم دلوك مايستچروش يجربو من ارضنا واصل .

فخر :: كل دة انا عارفو واتربيت علية زيك بالظبط ، بس في حاجات هنا ضد كل حاجة انا اتعملتها ، عقلي مش قادر يستوعبها ، و لا قادر اصدق انها موجوده رفم اني شوفت الدليل .

هند :: ارضنا مليانة اسرار وخبايا من ايام چدودنا وهتفضل ترض السلطان ليوم الدين اسرارها مالهاش اخر ولا ليها كاشف ابدا .

فخر :: يا هند في حاجات انا مستحيل اعملها مش انا مش زي بابا ومعنديش القدرة اني اتعايش وفي حاجة ربطاني زي القيد من رقبتي .

هند مبتسمة :: جصدك علي الخاتم والتمثال اللي جالك عليهم ابوك .

فخر بصدمة :: اي دة انتي عرفتي ازاي هو بابا حكالك !!!

هند :: لااه محكاليش اني يوميها كت معدية چمب باب الاوضة وسمعت الحديت كلاتة .

فخر :: تفتكري اني ممكن اعيش وانا شايل ذنب روح ف رقبتي عشان يبقا ليا خدام من الشياطين يبقو طوع امرئ ويخلو الناس تطيعني .

هند :: شر لا بد منة يافخر ، ابوك جال في شر بيهدد عيلتنا ونسلنا كلاتة وان الشر دية راچع تاني ولازم نستعد لة عشان نسلنا من بعدنا .

فخر :: هو دة اللي اقصدة بالظبط يا هند انتي وبابا عندكم القدرة انكم تعملو اي حاجة حتي لو فيها دم طالما شايفين ان دة الصح بيحكمو خرافات واساطير من ايام الاجداد .

هند :: ارض السلطان متبنتش بالطوب ، الارض دي اتبنت بالسحر والاساطير ، عيجولو ان كل حاجة ردمها رمل الصحراء وجدودنا بنو البلد دي كلاتها من چديد .

فخر :: انا عمري ما امنت بالسحر والشياطين وكل الحاجلت الغريبة دي .

هند :: ومدخل المجبرة والسراديب اللي ف المكتب تحت اللي مهيفتحش غير بدم من نسل السلطان الكبير دية مش سحر بردك ؟

فخر :: حتي دي كمان عارفاها الظاهر اني استهنت بيكي اووي يا هند .

هند :: اني عايشة ف الدار دية مغمضة عيني وسادة وداني عن كل حاچة بس واعية ل كل اللي عيوحصل هني ، خدها نصيحة من اختك الصغيرة يا اخوي دة جدرنا ومكتوب علينا ، انتا مكتوبلك تبجا سيد البلد بعد ابوك ربنا يديلة طولة العمر ، زي ما اني مكتوب عليا اتچوز واحد مريدهوش بس دية اللي اختارة ابوك وبعد كلمة ابوك مفيش حديت يتجال ، ارضي بجدرك و وجتها هتلاجي الصعب يسهل جدامك .

فخر بابتسامة :: كبرتي يا هند وبقا عندك حكمة ست ف 50 وانتي لسة صغيرة كدة .

هند :: جلتلك جبل سابج ولاد السلطان غير باجي الناس .

فخر :: تعرفي اني نفسي انزل السراديب دي بس من وقت ما بابا وراني الطريقة وانا رفضت انزل وقلتلها مرة تانية ،بما انك عرفتي طريقها يا ترا نزلتيها و وعد مني مش هقول لبابا .

هند :: ليلة ما ابوي جالك علي السر اللي ف السراديب نزلت وشوفت فيها العچب يا اخويي وعرفت حاچات مكنش لازمن اعريفها بس خلاص تمن الميعرفة غالي وهييچي الوجت اللي يتدفع فية .

فخر :: تاني هتتكلم بالالغاز حاجات اي وتمن اية اللي بتقولي علية !!!

هند بتوتر بتحاول تغير الموضوع :: حولي الاول هو بحج الحديت اللي كت عتخترف بية ، الچنية اللي نجدتك من الموت دي ؟؟

فخر بضحك :: جنية اية انتي كمان دي كانت تخاريف حمي ، هو في جنية هتطلع الرصاصة وتكوي الجرح وتعتني بيا كدة ، والاهم من كل دة مفيش جنية عيونها تقدر تخ*ف قلبي زي ما حصل كدة .

هند مبتسمة :: جلتلك بجا عيونها خ*فت جلبك ، وعشان كدي خرچت الصحراء تدور عليها ؟

فخر :: انتي شوفتيني ؟

هند :: خوفت عليك يا اخوي ، نزلت جوام بعد ما خدت طبنجة ابوي من درچ المكتب وخدت حصان وحصلت ل اجل اطمن عليك وفضلت وراك لحد ما عاودت الدار ، مرضتيش اصحي ابوي احسن يطين عيشتك .

فخر :: لية مقولتليش ؟

هند :: عشان انتا اخوي وافد*ك ب روحي ، ولو كت وعيتلي ودريت اني چاية وراك اطمن عليك كت هتاخد علي خاطرك ميني .

فخر :: مش بقولك انتي مختلفة عني يا هند ، انتي اللي بنت السلطان مش انا ، انا طول الوقت حاسس اني غريب وكنت عايز امشي من هنا وارجع مصر .

هند :: والچنية اللي عنيها تخ*ف الجلب خلتك تلف الصحراء هي بجا اللي خلتك تحسىك انك عايز تجعد .

فخر :: انا شوفت اد ما شوفت وعرفت بنات ف الجامعة من كل الطبقات غير اللي كنت بشوفهم اتعامل معاهم ، وعمري ما شوفت ف حياتي واحدة تعمل كدة وكمان صعيدية .

هند بضحك :: ومالها الصعيدية يا اخوي دة احنا مفيش زيينا واصل .

فخر :: انتي متصورة يعني اي واحدة باين من صوتها انها لسة شابة عايشة لوحدها ف الصحراء ومعاها ذئاب بتربيها زي ما الناس بتربي الكلاب والقطط دي قدرت علي 3 رجالة لوحدها وخرجت الرصاصة من كتفي و كوت الجرح ، وبعد كل دة رقضت حتي اشوف وشها ، وتقوليلي مالها !!!

هند :: جلتلك الارض دي ولادة وفيها اسرار ياما والصبية اكيد وراها سر كبير جووي .

فخر :: انا لازم اشوفها تاني بأي طريقة .

هند :: اصبر بعد المرماح تكون البلد هديت وبعدها روح دور عليها كيييف ما بدك .

فخر :: بتفكريني لية بالزفت المرماح دة ، دة بابا عايزني انافس ف السباق ولازم ا**ب و لو خسرت هجيب العار ل عيلة السلطان و للبلد كلها لو حد غريب من القبايل التانية هو اللي **ب .

هند :: ابوي طول عمري بي**ب ومحدش جدريغلبة جبل سابج ، ولازمن انتا كمان تشرفة وتشرف العيلة كلاتها وت**ب يا فخر عشان البلد كلاتها تشوف ولد سيدهم وهو راكب علي حصانة كييف الاسد وبيغلب كل الخلج .

فخر :: انتي بتوتريني اكتر يا هند .

هند :: طب يلا وحياتي عيند*ك ل انتا واكل ، لو مش عشاني ف عشان الچنية اللي عايز تدور عليها ، كل واتجوي ل جل يطيب چرحك وتجدر تدور كييف ما بدك .

____________

*بعد ثلاثة ايام*

_________

*فخر راكب حصانة وبيلف ف الصحراء مش عارف هو رايح فين فجاءة الحصان صهل بصوت عالي واتفاجئ فخر ب ذئب بيزوم علية علي حاول يمشي بالحصان لكن الديب اتحرك وسد علية السكة ف وقف فخر و هو مش عارف يتصرف ازاي ، ومش قادر يشيل عينة من علي الديب لحد ما سمع صوت من وراة خلاة يبتسم *

نجد :: چاي لية يا غريب ؟

فخر :: بدور عليكي عايز اشكرك علي اللي عملتية معايا انا لولاكي كنت موت .

نجد :: واني جلتلك معيزاش شكر دية الاصول اللي اتربيت عليها واني ممستنياش شكر منيك ، وجلتبك بردو متعاودش تاني واصل .

فخر بيشد لجام الحصان عشان يلف ويشوفها لكن لقاها متلتمة زي ما شافها قبل كدة لكن حس بخيبة امل :: مقدرتش امنع نفسي اني ادور عليكي عشان اشوفك .

نجد :: وعيتلك جبل سابج وجلت هيزهج و يروح ل حالة ، لكن مچيك كل يوم و التاني هيخلي الهچامة يوعولك والمرة دي مش هتلاچي اللي يخرچلك الرصاصة من كتفك ، مش كل مرة هتخيب يا غريب .

فخر :: وانتي خايفة عليا عشان كدة ظهرتي المرة دي عشان تحذريني ؟

نجد :: انت غريب عنينا وحمايتك واچب و دلوك يلا فارج وارچع من مطرح ما چيت ، وبكفاياك بجا متعاودش تاني .

فخر :: تعرفي اني كنت بخرف بيكي وفضلت اهلوس بيكي لدرجة انهم فكروني اتجننت .

نجد :: بكفاياك عاد وفارج دلوك ، اني لازم ارچع جبل امب ما تعاود ومتلاچنيش هطين عيشتي .

فخر بضحك :: اي دة راحت فين الشراسة والقوة اللي فيكي دلوقتي ؟

نجد :: انك تهاب الكبير دي مش عيبة يا غريب ، العيبة انك تعيش خواف ، الموت ارحم من العيشة چبان .

فخر :: علي فكرة انا اسمي فخر الدين مش غريب .

نجد :: طول ما حديتك وخلاجاتك مش زيينا تبجا غريب .

فخر :: عشان اكون منكم يبقي باللبس واللهجة !؟

نجد :: لا يا غريب بالطباع واني مشيفاش فيك اي طبع من طباع الارض داهي ، جتتك باينها شديدة ، بس جلبك ضعيف ، عجلك بيحرك ل**نك بيرمح ف الحديت ومتنور ، لكن حديتك فاضي مهواش حديت اجل نفر ولدتة الارض دي .

فخر :: وايه اللي المفروض اعملة عشان اكون زيكم ؟

نجد :: مفيش حاچة واصل ، وطول ما انت عتسأل عمر الارض دي ما هتجبلك منيها ، وجت الچد يا غريب هتيعرف ايي المطلوب ويبان معدنك اذا كت ولد الارض دي ولا هتفضل غريب عنيها .

فخر :: تعرفي كلامك دة جة ف وقتة حقيقي انا كنت محتاج ةسمع الكلام دة من حد مايكونش لية اي هدف من كلامة .

نجد :: مش كل اللي عينصحك رايدلك الخير ، اقان النصيحة بتبقي شر مداري ، لو عايز نصيحتي يبجا متعاودش تاني عشان مهتلاجنيش واصل .

* مشيت نجد و الذئب فضل يزوم علي شوية وبعدها جري بسرعة عشان يحصلها ، و فخر فضل واقف باصص عليها لحد ما لفت ورا اول جبل قا**ها ، ف شد لجام الحصان ورجع ارض السلطان *

___________