الحلقة الثامنة
2966 Words
#حكايات_ارض_السلطان
#الملحمة_الثانية
#الحلقة_الثامنة
________________
*مركز المحافظة*
_________
*( هند ) مع ( حميدة ) والحريم ف السوق بيتشرو طلبات ولوازم عشان ( هند ) واحدة من الستات قالتلهم في محل عندة اقمشة حلوة وخدتهم وراحت ف اتجاة المحل لحد ما وصلوا وكان محل ( ادهم ) اللي اول ما شاف ( هند ) ابتسم *
ادهم :: يا الف اهلا وسهلا ب ست البنات وجة قبلي كلة اتفضلوا هنا شرفتونا والله ، كراسي ياواد يا كريم عشان الحريم يرتاحوا ويتف*جو علي علي البضاعة علي راحتهم .
حميدة :: احنا مستعچليين فرچنا علي الاجمشة اللي حداكم عشان نكمل لف ف السوق .
هند :: اني عايزة اتفرچ علي اجمشة حلوة للستاير وكمان عايزة شوية اجمشة لمفارش السفرة .
ادهم :: بس كدة انتي تؤمري يا ست البنات ، الواد هيروح المخزن يجيب البضايع المستوردة اللي مبتطلعش غير للغاليين بس علي ما اف*جك علي شوية حاجات مفيش زيها .
*ادهم بص للست اللي اقترحت عليهم المحل وطلعت هي الست اللي وقفها المرة الليفاتت واتكلم معاها واداها فلوس *
الست :: طب يا حميدة بينا يا اختي نعاود السوج نخلص اللي ورانا احنا لسة في حاچات ياما مچبنهاش .
حميدة :: مجدرش اهمل ست هند ل حالها ، السوج كبير والخلج هني غريبة عنينا .
ادهم :: اطمني يا ست حميدة احنا هنشيل ست البنات فوق راسنا .
هند :: خلاص يا خالة حميدة روحي مع الحريم وعلي ما تخلصو جضيان الحوايچ هستنظركم هني .
حميدة :: اللي تشوفية يا ست هند .
*( حميدة ) خدت الحريم ومشيو ف السوق و هند قعدت وادهم دخل قبل ما يمشو يجيب اقمشة وخرج بعد ما مشيو معاة اقمشة *
ادهم :: انتي نورتينا والله .
هند :: المكان منور بصحابة ، جولي صوح انت راضيت الحورمة اللي چابتنا من النوبة اللي عدت ؟
ادهم :: الكدب خيبة وانا مش هلف وادور عليك ، الصراحة حصل المرة اللي فاتت راضيتها عشان تجيبكم هنا لما تيجو تاني .
هند :: لااه بياع شاطر بصحيح .
ادهم :: بس انا معملتش كدة عشان تيجي تشتري من هنا .
هند : اومال ايي !
ادهم :: قلتلك المرة اللي فاتت طلتك تشفي القلب العليل وانا مقدرتش اسيب الموضوع للحظ ف راضيت الست دي عشان تجيبك هنا وتبقي صدفة تانية .
هند :: تيعرف لو نفر حدانا ف البلد رفع عينة فيا ، كان زمانة مدفون ، وانتا عتجولي طلتي ومطلتيش والحديت المايع دية .
ادهم :: انا مقصدش حاجة وحشة وحقك عليا يا ست البنات مش هضايقك تاني ، ياض يا كريم تعالي شوف كل طلبات الانسة وتجيبلها كل البضايع النضيفة وتسيبها تختار براحتها ، دي ضيف*نا ، انا هروح مشوار كدة خلي بالك من المحل ، استئذن انا يا انسة .
*هند بصلتة وسكتت و هو مشي *
__________
*صحراء ارض السلطان *
___________
*( ديبة الجبل ) و ( حسن ) راكبين احصنة وماشيين ف الصحراء و ( حسن ) مربوط علي عينية قماشة سوداء و لجام حصانة مربوط ب حبل ف سرج ( ديبة الجبل ) وهي ماشية جمبة *
حسن :: اديلنا كتيير يا ديبة ولسة موصلناش .
ديبة الجبل :: اتهد يا وااض واتخرس كلاتها هبابة ونوصل .
حسن :: اديني هتخرس يا ديبة يأكش ترضي عني .
* بعد شوية وصلو ل مكان قريب من مقبرة ( نجد ) وهي كانت مستنياهم اول ما وصلو ديبة الجبل قالت ل حسن يشيل الغمامة من علي عينية *
حسن :: اخيرا يا ديبة اديلنا كتير ماشيين اني جلت روحنا بلد تانية .
ديبة :: اتعود عشان هتاچي كتير .
حسن :: ل اچل نچد اني اچيها كل ساعة .
نجد :: مرحب بيك يا حسن ، اماي حددتتني عنيك ياما وجالتلي انك طيب وچدع كييف ابوك الله يرحمة .
حسن :: الله يرحمة ، انا تربية الديبة وهي خبراني زين .
ديبة الجبل :: اصيل يا وااد .
حسن :: مينساش الچميل الا جليل الاصل .
ديبة الجبل :: اد*ك چيت وشوفتها يأكش اسمعك تاني هتجول عايز بدي اشوف نچد .
حسن :: لاااه دة اني بعد اللي شوفتة بدي اشوفها كل طلعة سمس .
ديبة الجبل :: طب لم روحك يا واد احسن اعدلك .
نجد :: جولي يا حسن ناووي تيعمل ايي للهچامة ؟
حسن :: جصدك ايي هو في نفر يجدر يعمل ايتها حاچة والديبة موچودة !!!
ديبة الجبل :: بتفهم يا وااد .
نجد :: هملينا ل حالنا هبابة يا اماي .
ديبة الجبل :: لية يا بتي ؟؟
حسن :: اني بردك بجول كدي يا يا ديبة .
ديبة الجبل :: بجا كدي اطلع منيها اني بعني .
نجد :: معلش يا اماي هبابة وهنادم عليكي .
ديبة الجبل :: ماشي يا بتي بس بالراحة ع الواد متكليهوش صاحي .
حسن بضحك :: لاااه يا ديبة انتي ربيتي راچل يعني ولا الجن يعرف يعمل معايا ايتها حاچة .
* ركبت ديبة الجبل حصانها ومشيت مسافة بعيدة ووقفت وهي شايفاهم من بعيد وبعد شوية شاورتلها نجد ترجع ف راحت ناحيتهم *
ديبة الجبل :: اي كل دة هتتسهرو .
نجد بصت ل ديبة الجبل وقالت :: خلاص يا اماي روحي مع حسن عشان دية وجت الوكل بتاع صخر و رعد واني لازمن اعاود دلوك .
حسن :: طب عشوفك تاني ميتا يا نچد ؟
نجد :: لما ربك يريد محدش عالم بكرة فييه ايي .
ديبة الجبل :: يلا يا ولدي نعاود ع الچبل بكفايا كدي وحط الغمامة علي عينك اني جلتلك مهتبطلش تحطها الا لما نچد تطمنلك وتطلب بل**نها .
*حسن بيبص ل نجد ومش قادر يحدد من نظراتها الثابتة هي ناوية علي اية *
* مشي حسن وديبة الجبل و رجعو ل جبل الهجامة وتاني يوم راحت ديبة الجبل ل نجد لكن ملقتهاش وفضلت مستنية اكتر من نص ساعة لجد ما رجعت نجد وباين علي حصانها الارهاق والتعب لانة كان بينهج جامد *
ديبة الجبل :: كتي فين يا نچد جلجتيني عليك يا بتي ومال خلجاتك متعفرة لية كأيوانك كتي هتتمرمغي ف التراب .
نجد :: كت بدرب الحصان علي حركات كييف اللي هيعملوها ف المرماح.
ديبة الجبل :: وانتي مالك ومال المرماح .
نجد :: ماليش يا اماي انتي خابرة زين اني عحب السباج وركوب الخيل وجلت اچربها بدل الزهج .
ديبة الجبل :: ماشي يا بتي اعملي اللي يلد عليكي ، جوليلي ايي اللي حوصل بيناتك وبين حسن عشية ، اني مفهماش حاچة .
نجد :: عايزة تعرفي ايي يا اماي ؟
ديبة الجبل :: كل حاجة يا بتي ..
نجد :: حاضر يا اماي .
* #فلاش_بااااك .
نجد :: اني جلت نتحدت لحالنا عشان عايز اعريف منيك شوية حاچات كدي .
حسن :: كل اللي تعوزية هعملة يا نچد .
نجد :: اني سألتك ناووي تيعمل ايي للهچامة ونت جلت مفيش نفر عيعمل حاچة والديبة موچودة واديها دلوك مسمعناش ، جولي لو هي مموچداش ف الچبل انت هتعمل اي عشان الهچامة ؟
حسن :: زي ما الديبة بتعمل الحال هيفضل ماشي كدي .
نجد :: طب و ارض السلطان عتعمل اي وياهم ؟
حسن :: مالها ارض السلطان يا نچد دة احنا عايشين ف خيرها طول عمرنا وعمر اللي جبلينا !!!
نجد :: وكرامة الهچامة فين ، الهچامة دلوك مهيسرجوش من ارض السلطان ولا هيجطعو الطريج علي الخلج اللي عتسافر وتمر من ارضنا .
حسن :: صوح من يوم ما الديبة مسكت الچبل والحال بجا غير الحال و چعلت الجبل يشتغل ف التچارة. والمجايضة ، وبجا لينا جيمة واسم وسط الخلج .
نجد :: اسم وجيمة كييف يا حسن ولساتة السلطان بيهنكم و انت خابر اللي كان هيعملوة وجت ما ولدة اتصاب ، الهچامة كلاتها كات ركبها عتخبط ف بعض من خوفهم من السلطان واللي عيعملة فيهم .
حسن :: السلطان يبجا سيدنا ودة عهد بيناتنا وبينة من زمان زيينا زي اهل ارض السلطان .
نجد :: احنا عمرنا ما كنا زي اهل ارض السلطان يا حسن ، دول بيجولو علينا كلاب سكك ومالناش اصل ، و هما اسود الارض واحنا كيف الضباع عايشين علي العضم اللي هيرموة .
حسن :: بس ديه العهد يا نچد ، والعهد بيحكم الكل .
نجد :: عهد العبيد ديه ماليش صالح بية .
حسن :: بس انتي منينا يا نچد والعهد يسري عليكي .
نجد :: العهد يسري علي الهچامة و ارض السلطان ، واني مش منيكم ولا منيهم عشان اجبل العهد يا حسن .
حسن :: مفيش راچل يجدر يغير جانون سلطان الرچال ، واللي يجف جصادهم يبجي ميت و دول ما بيجتلوش النفر ل حالة دول بيجتلو نسلة كلاتة يعني لو عديناهم مهيخلوش منا نفر عايش .
نجد بشرود :: عيند*ك حج يا حسن ، بكفايا كدي الوجت اتأخر ولازم أوكل الديابة .
حسن :: اني لما الديبة حكتلي علي الديابة اللي معاكي مصدجتش كييف تربيهم وتعيشي معاهم ل حالك .
نجد :: الديب اصيل مهيغدرش ، لو احسنت لة مرة يحسنلك العمر كلاتة ، تعرف يا حسن الكلاب من نسل الديابة بس نسيت اصلها و خدت طبع الضبع اللي بيجبل الذل والمهانة ، بكفايا كدي يلا هنادم علي الديبة .
#بااااااااااااااااااااك *
ديبة الجبل :: الواد مجلش حاچة غلط يا بتي تخليكي تنفري منية وتجولي نعاود .
نجد :: معرفاش يا اماي بس ملجتش فية اللي بدور علية .
ديبة الجبل :: واي اللي عتدوري علية !؟
نجد :: راجل عجلة كييف الچمل وجلبة كيييف الاسد واخلاجة كييف الديب .
ديبة الجبل :: كأيواني چايباة عشان يتچوزك يا بت .
نجد :: يا اماي اني خابراكي زين كييف ما انتي خابراني ، انتي عايزاني اتچوز حسن عشان كدي جلتيلة علي سري وچبتية لحد هني ل اجل ما اجبل بية لما يحين ميعاد سؤالك ليا .
ديبة الجبل :: لا واعية يا بتي ، بس الواد ميعبوش حاچة ، ديه راچل مچدع وعترة و زينة شباب الچبل واني خابراة زيين .
نجد :: دمة بارد مهوش حامي علي ناسة .
ديبة الجبل :: اسمعيني زين يا بتي الواد مجلش حاچة غلط ، جانون سلطان الرچال يسري علي الكل ، واحنا دلوك عايشين احسن عيشة ، واجولك حاچة متعرفيهاش كمان السلطان ديه هو اللي مغمض عنين الحكومة عنينا ، هو خابر زين ان الهچامة عيتاجرو ف الافيون ويبعوة ف البلاد البعيدة ، و كل سباج مرماح بنجيب بضاعة كتيرة والحكومة يچيلها اخبارية عن البضاعة و السلطان بيغمي عيونهم ومحدش بيتعرض لنا حتي تچار الافيون مبيجدروش يغدرو بينا عشان احنا مش اي هچامة احنا هچامة ارض السلطان ، هو خابر كل حاچة بنعملها بس بيناتنا عهد و هو بيحمينا كييف ما بيحمي اهل البلد ، وهجولهالك تاني سلطان الرجال جانونة يسري علي الكل وان راح سلطان الرچال في ولدة هيبجي سلطان وهيفضل نسلهم يحكم ونسلنا هچامة لحد ما يأذن ربك وتجوم الساعة ، فكري يا بتي انتب مهعشلكيش العمر كلاتة .
نجد :: حاااضر يا اماي حديتك علي راسي .
*مشيت ديبة الجبل ونجد فضلت شاردة بعدها قامت ركبت الحصان طبطبت علية وفضلت تجري بية وتنط بية من فوق الصخور لحد ما وصلت ل قمة تبة عالية وقفت عليها وبصت ناحية ارض السلطان *
نجد :: انتي جلتيها يا ديبة جانون سلطان الرچال مفيش راچل يجدر ي**رة ، ولما حكيتيلي عن حكم الاسياد و العبيد اللي راح من زمان نسيتي تجولي ان لسة فية سيد والهچامة عبيد ع**ده ، واني هطفي شمس الظلم واجيم جانون العدل اللي يساوي الكل ، الديب عيحكم الصحراء عشان هو سيدها ومهيرضاش بحكم اسود الارض .
* رجعت نجد بحصانها ودخلتة الكهف بتاعة و راحت ل مقبرتها *
____________
*ارض السلطان قبل يومين من سباق المرماح*
__________
#قصر_السلطان
* هند قاعدة ف اوضتها سرحانة وبتفكر ف ادهم وحست انها كانت عنيفة ف ردها علية و هو احترمها وسا**ها المكان كلة ومشي وبقت مستغربة نفسها هي لية شاغلة بالها بية رغم انها بتتعرض للمضايقات لما بتنزل المركز مع حميدة لكن دايما بتعرف توقف كل واحد عند حدة ، لقت نفسها بسترجع كل كلمة دارت بينها وبين ادهم من اول مرة وابتسمت لكنها طردت التفكير دة وقررت تروح ل اخوها ف فخر ف اوضتة *
* هند خبطت علي اوضة فخر مردش عليها ف فكرتة نايم ف نزلت لقت حميدة *
هند :: بجولك يا خالة حميدة حضري الفطور عشان اطلعة ل فخر
حميدة بابتسامة :: نموسيتك كحلي يا ست هند سي فخر صاحي من جبل طلعة السمس وركب بدل الحصان تلاتة وبيلف بيهم عند الاسطبل اديلة ياما .
هند :: عتتريجي عليا يا خالة حميدة .
حميدة :: والله يا ست هند هو دية اللي حوصل .
هند :: فخر اخوي اني صاحي من طلعة السمس وبيركب خيل دي محوصلتش جبل سابج يا خالة .
حميدة بصوت واطي :: وبين وبينك يا ست هند لما طلعت الفطور ل سيدنا ف الاوضة لجيتة واجف ورا ستاير الشباك عيبص علي سي فخر من غير ما حد يوعالة ولما حطيتلة الفطور كان شكلة رايج ومبسووط جوي .
هند :: لية حج يفرح يا خالة .
حميدة :: بس با حبة عيني سي فخر وجع من الحصان كتير جوي لحد ما بجا صالب طولة وكل ما يجع يجوم ويركب الحصان تاني .
هند :: اسد كييف ابوة ، يلا دلوك حضري الفطوري و حطية ف عمود واكل علي ما اطلع اغير خلجاتي وانزلك .
حميدة :: عمود واكل لية يا ست هند .
هند :: مالكيش صالح يا خالة اعملي اللي بجولك علية .
حميدة :: حاضر يا ستي .
* طلعت هند غيرت هدومها وخرجت من الدولاب قطعة ملابس سوداء متفصلة ف شكل نقاب من فوق و واسعة لحد بعد الوسط بمسافة مفتوحة من قدام لكن طويلة من الجناب * لبس خاص بيها ل ركوب الخيل بعدها نزلت اخدت عمود الاكل من حميدة وخرجت ف فخر اللي كان لسة بيجري بالخيال ف ساحة الاسطبل وقفت تتف*ج علية وهي مبتسمة لحد ما شافها ف راح ناحيتها *
فخر :: صباح الخير يا هند وشك منور النهاردة مع ان عينيكي باين عليها قلة النوم .
هند :: النوم للخالي يا اخوي ، انما شوفتك كدي النهاردة نورت وشي وفرحتني جوي .
فخر :: يا سلام واية يعني الجديد النهاردة ؟
هند :: شوفتك وانتا راكب الحصان فكرتني ب ابوك و هو لسة بصحتة لما كان يركب الحصان ويبجا صالب طولة كأيوانة بيجول يا ارض اتهدي ما عليكي جدي .
فخر :: انا فين وبابا فين انتي مش شايفة شكلي بقا ازاي دة انا خدت وقعات مخدتهاش طول حياتي .
هند :: محدش اتولد علي ضهر الخيل و الوجعة بتجويك وتعريفك غلطك عشان متكرروش .
فخر :: بس مش متعود علي الفرهدة دي انا اخري اركب خيل وامشي بية بالراحة وكمان مكنتش ببقا عارف اسيطر علية ، المهم دلوقتي اي عمود الاكل اللي ف ايدك دة ليا اصل الريحة طالعة وانا جعان جدا .
هند :: هو ليك يا فخر بس بشرط .
فخر :: شرط اية ؟
هند :: تركب جصادي خيل ونتسابج لحد الچبل الغربي و لو سبجتني هتفطر وتلحج الوكل سخن ، بينا يلا .
فخر :: وانا اللي بقول عليكي طيبة يا هند ، طب بينا يلا احسن انا خلاص بطني بتصوصو ، بس خليكي جدعة و لو خسرت تخليني اكل بردو .
هند :: وفر حديتك للسباج ، بينا يا فخر .
* هند لبست اللبس اللي معاها وبقت كأنها منقبة واللبس مديها حرية ركوب وطلعو بالخيل لكد ما خرجو من البلد ف شالت نقاب الوش وفضلو يتسابقو لحد ما وصلو الجبل الغربي *
فخر :: ابوس ايدك الحقيني بالاكل انا خلاص علي اخري .
هند بضحك :: اني مجلتش لو خسرت هتأكل .
فخر :: بس انتي طيبة وهتخليني اكل دلوقتي .
هند :: عندي شرط تاني .
فخر :: شروط تاني يا هند .
هند :: لا المرة دي عتأكل وعنتحدتو علي الوكل .
* نزلت هند من علي الحصان وفتخت عمود الاكل وفرشتة قدام فخر اللي نزل من علي حصانة وقعد قدامها **
فخر :: غريبة يعني قلتي في شرط واد*كي طلعتي الاكل وبناكل اهو .
هند :: الشرط انك تحكيلي اي اللي چد عليك يخليك تصحا من طلعة السمس وتركب الخيل كدي .
فخر :: مش عارف اقولك اي بس حسيت اني لازم اعمل كدة ، زمان لما كنت ببص ف المرايا كنت ببص ل نفسي ب اعجاب انا شاب متعلم وغني ومن عيلة كبيرة والف بنت تتمناني ، دلوقتي لما ببص للمرايا مبشوفش غير شاب فاضي من جوة و ضعيف .
هند :: يأك حديت ابوي خلاك تغير من حالك كدي .
فخر :: ابقا بكدب عليكي لو قلتلك اة ، لان مش دة السبب الحقيقي ، اة اللي بعملة دة هيسعد بابا لكن انا مش بعمل كدة بسبب كلامة او حتي عشانة .
هند :: ل اچل الصبية اللي كييف الچنية مش كدي ؟
فخر :: دايما فاهماني اكتر من بابا ، انا قابلتها تاني و زي المرة اللي قبلها اثبتتلي ان الشخص قوتة مش اللي يملكة من مال وسلطة ، بدليل انها عايشة ف و سط الصحراء لكن عندها قوة شخصية رهيبة وعقلها وطريقتة وكل حاجة فيها عمري ما قابلت زيها ابدا .
هند :: خ*فت عجلك الچنية يا اخوي ، بس شديدة جوي كدي !؟
فخر :: تعرفي شخصيتها بتفكرني ب بابا وكلامة الحكيم وهيبتة وسط البلد ، هي شبهك كدة يا هند الكلام اللي بيطلع من ل**نها فية حكمة لكن عامل زي السكينة الحامية اللي بتكوي الجرح ، تمام زي ما كوت جرح الرصاصة بتوجع بس لابد منها .
هند بابتسامة :: شكلك غرجت يا اخوي ، جولي بجا طلعت مليحة ولا لاااه حاكم اني خابرة ذوجك عفش .
فخر :: تصدقي لحد دلوقتي مشوفتش وشها بردو وطلبت مني مدورش عليها تاني .
هند :: ما يمكن تكون مخطوبة !
فخر :: بقولك عايشة لوحدى وامها بس بتزورها زي ما قالت تقوليلي مخطوبة وبعدين متقفليهاش ف وشي .
هند بضحك :: شكلك طبيت بالچامد يا ولد السلطان .
* بعد ما خلصو اكل ركبو الخيل و بداو يتحركو لكن هند وقفت فجاءة ف فخر وقف يسألها *
فخر :: وقفتي لية يا هند ؟
هند :: اصلي افتكرت شوية مفارش بتفصلهمي ام خليل هروحلها من اليمة الجبلية للبلد اسبج انتا و اني عروح واخلج جوام جوام واعاود علي الدار .
فخر :: طب ما تتاخريش عشان انتي بابا لو عرف اني سبتك تروحي لوحدك هيزعق ويطين عيشتنا .
هند :: متجلجش اجل من ساعة زمن واكون ف الدار .
* مشي فخر وهند اتحركت بالحصان بالراحة لحد ما فخر بعد واختفي ورا تبة قريبة *
هند :: اني خابرة انك موچود ما شايفاكش بعيني بس شايفاك بجلبي والرچفة اللي ببحسها كل ما تكون جريب بتجولي انك هني ، اظهر وليك الامان والعهد بالكتمان .
* بعد ما خلصت كلامها فضلت باصة علي يمينها وبعدها حركت راسها ببطء من اليمين ل قدام كأنها بتتابع حاجة خفية مش ظاهرة قدامها و اول ما راسها بقت مستقيمة وبقت باصة قدامها اتجسد قدامها ****
___________________
- Writer
