الحلقة السادسة
2185 Words
#حكايات_ارض_السلطان
#الملحمة_الثانية
#الحلقة_السادسة
#صعيدية_وقعت_في_الحب بداية حكاية#العمة_هند
________
مرحبا يا عزيزي حان الوقت للعودة لزمن بنت المساخيط ولا تقلق سنذهب قريبا في رحلة لمعرفة مصير جهنم وحكايتها التي ليس لها مثيل وانا رغم انني اخبرتك الكثير من الحكايات والاسرار الا انني اؤكد لك ان سر تلك المرأة هو اعظم اسرار ارض السلطان .
استعد فقد حان الوقت الان لكشف اسرار العمة هند وبنت المساخيط وتحقيق نبؤة ديبة الجبل .
_________
#مقبرة_نجد
_______
ديبة الجبل بعصبية :: عچبك يا نچد اللي حوصل دية يا بتي ؟
نجد :: اني مفهماش حاچة واصل يا اماي جوليلي ف ايي !
ديبة الجبل :: الشاب اللي كان هني مطلعش ضيف عند سيدنا سلطان ديه طلع ولدة فخر الدين .
نجد :: يعني الچدع الطري دية يبجا ولد سيدنا سلطان اللي بيرعب شنبات الهچامة ورچالة وچة جبلي كلاتة .
ديبة الجبل :: الواد اصلة تربية مصر وعلامة كان هناك ، وسيدنا رما العطا عشر فدادين ارض للي يدلة علي اللي طخ ولدة .
نجد :: طب وانتي خايفة من ايي يا اماي اللي طخوة اتاوة ف الصحراء زي ما جلتي يبجي ما هيلاجيش حد .
ديبة الجبل :: انتي اصلك متعرفيش سيدنا سلطان دية يا بتي ، دة متخفاش علية حاچة واصل حديت ف سرك اني شاكة انة مخاوي .
نجد :: بجا انتي يا اماي اللي تجولي كدي ، انتي ربتيني ان مفيش حاچة من دي واصل واني مخافش منيها ، تيچي دلوك وتصدجي فيها
ديبة الجبل :: انا ربيتك كدي عشان انتي عشتي ل حالك ولو الخوف ساجك مش هتعرفي تعيشي دجيجة لحالك .
نجد :: لو مخاوي زي ما بتجولي ما كان زمانتة عرف اللي حوصل وكان طب علينا هني .
ديبة الجبل :: المكان هني محمي ومفيش چن ولا شيطان يجدر يجرب منية .
نجد :: اشمعنا يا اماي ؟
ديبة الجبل :: مالكيش صالح دي حكاية جديمة جوي .
نجد :: احكيهالي يا اماي اديلك ياما محكتليش حكاوي زي زمان .
ديبة الجبل :: مجدرش دلوك لازمن ارچع الچبل للهچامة اطمنهم جبل ما يستعوجوني ويخرچو يدورو عليا وساعتها رچالة سيدنا سلطان هيطخوهم .
نجد :: ربنا يحميكي يا اماي .
ديبة الجبل :: اوعي ل حالك يا بتي ومتخرچيش واصل لحد ما اعاود ولمي ديابتك بلاش يخرچو يصيدو اليومين دول .
نجد :: اللي تشوفية يا اماي .
ديبة الجبل :: واني هوصي الهچامة محدش فيهم يخرج نواحي ارض السلطان لحد ما يعدي سباج المرماح الچاي
نجد بفرحة :: عنروح نتفرچ من بعيد زي كل مرة يا اماي ؟
ديبة الجبل :: المرة دي مهينفعش يا بتي بس هاخدك المرماح بتاع جنا * ( محافظة قنا ) * كمان شهرين .
نجد بحسرة :: لية بس يا اماي احنا مهندخلش ارض السلطان احنا بندس وسط الحريم ونشوف السباج براة البلد زي باجي الخلج .
ديبة الجبل :: احنا مش زي باجي الخلج يا نچد احنا الهچامة واهل البلد دي يجبلو العما ولا يجبلوناش .
نجد :: بس انتي جلتيلي اني مش من الهچامة !
ديبة الجبل :: ارض السلطان عيشوفو كل اللي مش منيهم هچامة وكلاب مسعورة من كلاب الچبل .
*خرجت ديبة الجبل من المقبرة عن طريق النفق وبعدها قعدت نجد وحواليها ديابتها ( صخر ) و ( رعد ) بدات تمشي ايديها علي شعرهم وهي بتقول بغضب
نجد بغضب :: يمين بالله لا يعرفو ان بطن الارض دي زي ما چابت نسل السلطان اسود الارض ، چابت كمان ديبة بت ديبة وبكرة يعرفو ان الحورمة تغلب الف راچل .
*وبدات تفكر ف فكرة هتغير مصير كل حاجة للابد*
___________
تاني يوم الصبح
*قصر السلطان*
__________
*هند ف اوضة فخر بتراعية لحد ما فاق تمام وبقا واعي ل كل حاجة و هند بسرعة نزلت تندة ابوها من اوضتة ملقتهوش ف نزلت اوضة المكتب ودخلت من غير ما تخبط علي الباب واتخضت لما شافت ابوها قاعد علي كرسي المكتب وعنية مفتحة لكن بتنور بضوء غريب وفي كتاب قدامة الصفحات بتاعتة عمالة تتقلب ببطئ ، كل دة حصل ف ثانيتين سلطان غمض عينية وفتحهم عادي وحاول يداري ارتباكة*
سلطان :: حوصل اي يا هند مسروعة علي ايي اخوكي زين !؟
هند بخوف :: مفيش يا ابوي بس اخوي فخر فاج وبجا زين جلت اچي ابشرك واطمنك علية .
سلطان :: هي الساعة كام دلوك ؟
هند :: السمس طلعت اديلها هبابة ؟
سلطان :: طب حضري روحك هتنزلي الميركز دلوك مع حميدة و الحريم هشان تشوفو لوازمك واهو كل اسبوع تنزلو تچيبو شوية لحد ما تخلصو اني مش مستعچل .
هند :: بس يا ابوي انت عشية جلتي السبوع الچاي وكمان انزل الميركز كييف واهمل فخر ل حالة وهو لسة مراجش .
سلطان :: عشان اللي حوصل يا بتي الخلج كلاتها لازمن تيعرف ان مفيش حاچة تهز عيلة السلطان ومرواحك الميركز عشان تشتري شوارك دي ضروري ل كدي .
هند :: طب خليها بكرة يا ابوي .
سلطان :: لااه دلوك يا هند وتجولي ل باجي الحريم يبلغو الرجالة يدبحو عچلين جدام الدار حلاوة ما جام فخر بالسلامة .
هند :: اللي تؤمر بية يا ابوي .
*هند طلعت راحت تنفذ اللي طلبة سلطان وبعد كدة تجهز نفسها عشان تروح المركز و سلطان طلع ل فخر ودخل اوضتة*
سلطان :: الف حمدلله بالسلامة يا ولدي نحمد ربنا انك بجيت زين .
فخر :: الحمدلله يا بابا .
سلطان :: جولي بجا ايي اللي حوصل ؟
فخر بتردد :: مش فاكر حاجة خالص يا بابا .
سلطان :: بس يا ولدي لما رچعت عشية كت عتخترف وتجول الچنية لحجتك من الهچامة وجتلتهم وكان معاها ديابة .
فخر :: انا قلت كدة !!
سلطان :: مالوش فايدة اللف والدوران يا ولدي اني اتؤكدت من الحديت دية .
فخر بلهفة :: اي لقيتها ؟
سلطان باستغراب :: لاااه ملجتهاش ، بس اتؤكدت من حديتك كلاتة ، حات و مور جابولي جرار اللي حوصل والتلات رچالة اللي طخوك مدفونين ف حفرة ف الصحراء .
فخر :: وهي ملقوهاش ؟
سلطان :: مالك يا ولدي ملهوف عليها لية ؟ ، حات و مور معرفوش يلاجو مكانها ، ملاجوش غير اثر دمك مكان ما اطخيت .
فخر :: مش انت قلت انهم شياطين وعندهم قدرات قوية ، ازاي عرفو كل دة ومقدروش يعرفو مكانها !؟
سلطان :: باينها سحارة ، حات و مور عمرهم ما رچعوا خايبانين واصل ، جالولي من وجت ما وصلت لك السحارة ديلحد ما هملتك وانتا كأنك مالكش اثر كت مخفئ عنيهم .
فخر :: انا لازم اشكرها علي اللي عملتة معايا يا بابا .
سلطان :: تشكر السحارة بت الهچامين دول يحمدو ربنا اني مهديتش الچبل علي دمغاتهم كلاتهم .
فخر :: اومال فين هند ؟
سلطان :: اختك نزلت الميركز تشتري لوازم شوارها عوني واد ابن عمي كارم طلبها للچواز واني شورتها وهي وافجت
فخر :: الف مب**ك ان شاء الله ربنا يتمم لها بخير طالما هي موافقة وراضية ومبسوطة رينا يسعدها .
سلطان :: عايزك تشد حيلك لازمن البلد كلاتها تشوفك الكل مستنظر يشوف ولد السلطان وهو صالب طولة مش رصاصة اللي ترجدك ف السرير كييف الحريم .
فخر :: وهما الناس ليهم عندي اي انا اللي اتصبت مش هما !؟
سلطان :: ليهم انك هتبجي سيدهم وكبيرهم من بعدي ولازمن يشوفك اسد كيف ابوك وچدك عشان تحكمهم والكل يهابك .
فخر :: ممكن اسألك سؤال يا بابا ؟
سلطان :: جول يا ولدي .
فخر :: انت لية مش شايف غير الحكم والسلطة والقوة ، انا كنت بهرب بالدراسة ف القاهرة عشان عمري ما شوفت منك حنية زي ما المفروض يحصل من اي اب .
سلطان ابتسم بحزن :: زمان يا ولدي واني ف سنك كدي كت زيك تمام شايف ابوي جاسي عليا ، ونفرت منية وهچيت من البلد كلاتها وف الاخر بعدت جد ما بعدت ف الاخر رچعت ل ابوي بس رچعت لة وهو بيموت بين ايدي ، تعرف مات لية ؟
فخر :: الحقيقة انا معرفش عن جدي كتير غير الحكايات اللي بتحكيها ل هند وهي بتحكيهالي .
سلطان :: چدك مات بسبب الحاچة الوحيدة اللي منعني منيها بس انا عاندت والنتيچة كات الموت ل ابوي ونسلنا كان هيروح كلاتة يا ولدي لولا ستر ربنا ، ومن وجتها واني حالف لا امشي علي طريچة .
فخر :: بس كدة صعب اووي يا بابا الحياة مش قسوة وبس .
سلطان :: الهيبة يا ولدي هي اساس و چودنا ف الارض دي من ايام اچدادنا لحد دلوك ، الهيبة تخليك تحكم بلد بناسها ومحدش يجدر يعصي امرك .
فخر :: بس انا مش عايز اعيش الحياة دي ؟
سلطان :: محدش فينا اختار جدرة يا ولدي و ارضنا عاملة كييف الحديد اللي مربوط ف رجبينا نبعد مهما نبعد مرچوعنا ليها ، وجلتلك جبل سابج في خطر واعر جووي عايز يأذي نسلنا .
فخر :: عقلي مش قادر يقتنع بكل الحاجات دي السحر والشياطين ، و شر بيهدد نسل عيلتنا ، ودلوقتي واحدة غريبة وديابة ، انا مبقتش فاهم اي حاجة
سلطان :: ارتاح دلوك يا ولدي وبعدين نتحدتو علي رواجة .
* خرج سلطان من اوضة فخر اللي مد ايدة و بصعوبة فتح درج الكومود وطلع اقلام الوان و دفتر متعود يرسم بيهم وبدا يرسم شكل بنت ملثمة وهو بيركز علي شكل عيون ( نجد ) وبعد ما خلص فضل يبص للرسمة لحد ما راح للنوم تاني من تاثير الدواء *
________________
*مركز المحافظة*
___________
*هند راحت مع حميدة وباقي الستات يختارو اللوازم اللي ناقصاها *
حميدة :: وبعدهالك يا ست هند اديلنا ساعتين هنلف ومشتريناش حاچة ولا في حاچة عچبتك واصل .
هند :: ملچياش حاچة عچباني .
حميدة :: يا ست هند انتي كأيوانك معيزاش تشتري حاچة .
هند :: اكتمي يا خالة حميدة الحريم يسمعوكي .
حميدة :: مهو كدي ما ينفعش السمس عتروح ومشتريناش حاچة واصل سيدنا سلطان لما نرچع الدار ويسأل هجولة ايي .
هند :: خلاص يا خالة حميدة نجي شوية حاچات م اللوازم واني هتفرچ علي باجي السوج .
حميدة :: ماشي يا ستي بس متروحيش بعيد ل احسن تتوهي ..
*هند مشيت وراحت تتف*ج علي المحلات وهي مش مركزة ف اي حاجة لحد ما سمعت صوت بيكلمها *
الشخص :: اتفضلي هنا يا ست البنات عندي كل اللي يعجبك واحسن حاجة ف السوق .
هند :: شكرا يا اخينا اني معايا اللي عيشترو كل حاچة .
الشخص :: و دة ينفع بردو يا ست البنات دة ﻻزم كل حاجة تكون علي ذوقك ومن اختيارك انتي .
هند :: ممكتوبليش اختار حاچة يا اخينا وهملني ل حالي ..
الشخص :: اتفضلي هنا .. هات كرسي يا كريم ل ست البنات .. انتي بس ارتاحي مكانك واحنا نف*جوكي علي احسن بضايع السوق كلة .. انا ادهم شغال ف المحل هنا ..
*هند قعدت علي الكرسي وبدات تتف*ج علي اﻻقمشة اللي بيعرضها عليها ادهم والصبي بتاعة *
ادهم :: متشرفناش باسم ست بنات وجة قبلي كلة واضح انك غريبة عن هنا انا اول مرة اشوف بنت بالجمال دة ف السوق هنا ..
هند ب**وف :: اني هند منيش من هني اني من بلد بعيدة حبتين .
ادهم :: انا بردو قلت الجمال دة مستحيل يكون من هنا ..
هند بتوتر و**وف :: بكفاياك حديت و وريني بجية اﻻجمشة اللي جلت مفيش زيها ف السوج ..
ادهم :: اللي تؤمري بية يا ست البنات احسن اقمشة واللي يعجبك نوصلهولك لحد البيت .
هند :: اهو دة بجا اللي مهتجدرش علية واصل احنا ميهيچش حدانا غريب .
ادهم :: لية دة انتو حتي صعايدة واهل الكرم والواجب وﻻ انتم بخلاء بقا ومستخسرين فينا كوباية شاي صعيدي من بتاعكم متقلقيش هنجيب شاي وسكر معانا .
هند بابتسامة :: احنا اهل الكرم كلة بس زي ما جلتلك جبل سابج بلدنا بعيدة جووي ف جلب الصحراء ومفيش حد عيچينا واصل .
ادهم :: انتو بلدكم اسمها اية انا شغال هنا بقالي سنين وعارف كل القري والمراكز اللي ف المجافظة هنا وكمان المحافظات اللي حوالينا ..
هند :: اني من ارض السلطان ارض العزة والهيبة اللي يدخلها ضيف وناوي خير يشوف الخير كلة ونعاملة معاملة الملوك واللي يجرب منيها ناوي شر يلاجي اسود تنهشة وتدفنة ف ارضنا اللي شايلة من اﻻعادي ياما ..
ادهم :: الصراحة ومن غير زعل اول مرة اسمع ع بلد باﻻسم دة انتي جمب اي مركز ؟؟
هند :: احنا مش تبع اي ميركز احنا عايشين لحالنا ف وسط الصحراء ع الطريج الغربي , بكفايا حديت بجا احسن الحريم اللي معيا اهم چم .
ادهم :: زي ما تحبي يا ست البنات بس انتي ﻻزم تشرفينا تاني ومتحرمنيش من طلتك اللي تشفي القلب العليل ..
*هند ات**فت ومردتش* وباقي الحريم دخلو عليها وخدوها ومشيو بس ادهم شاور ل واحدة منهم وكلمها علي جنب من غير ما حد ياخد بالة وبعدها طلع فلوس من جيبة وادهالها ومشيت بسرعة حصلت باقي الحريم **
_______________
بعد مرور يومين
*ارض السلطان وقت شروق الشمس *
__________
*اوضة فخر الدين *
* فخر بيقوم بصعوبة عشان يغير هدومة وبعد كدة نزل من اوضتة وهو بيحاول ميعملش اي صوت عشان محدش يحس بية وبعدها وصل اﻻستطبل وركب حصانة وخرج بية من الباب الخلفي للقصر *
*هند ف اوضتها بتبص من الشباك وشافت فخر وهو راكب الحصان وبيخرج من الباب الخلفي ندهت علية لكنة مسمعهاش وطلع بالحصان استغربت من تصرفة وخافت يحصلة حاجة ف نزلت بسرعة اﻻستطبل و حطت سرج علي اول حصان شافتة وطلعت من الباب الخلفي وفضلت تجري بالحصان لحد ما خرجت من ارض السلطان وشافت فخر علي حصانة من بعيد قررت تحافظ علي المسافة بينهم لحد ما تفهم هو بيعمل اية ورايح فين بعد ١٠ دقايق لقت ان فخر بيلف بالحصان و واضح انة مش عارف هو رايح فين بيلف ف كل اﻻتجاهات ف استخبت ورا تبة قريبة ونزلت من علي الحصان وفضلت تراقب فخر اللي واضح انة يأس وقرر يرجع وبعد ما رجع من نفس الطريق هند ركبت حصانها ورجعت وراه واﻻتنين مشافوش العيون اللي كانت مستخبية وبتراقبهم من بعيد ***
- Writer
